請大家俾0的意見呀,好重要的決定,我該如何選擇呢？

其實我真係覺得你唔係真係好鍾意呢個男人囉.

我都好同意女仔真係要為自己打算. 唔係下下有情飲水飽.如果個男人係搵朝唔得晚既,就真係對我幾好都係假.要唔過.但你呢個又要供樓,又要還錢,又要俾屋企,先係"吃力"而唔係攪唔掂.仲有份稳定職業,而且仲對女朋友好.真係唔知你仲想要D咩!!!???冇樓又話人地冇樓,有樓又話人地要供樓.辛苦都係3年jei (我都唔覺有咩咁辛苦!!).. 唔通真係個個想做徐子淇?? 可能佢有唔開心你唔知jei.

講真呀! 如果我係個男仔,佢知道你有咁既想法,唔係你接唔接受佢,而係佢唔應該選擇你.
你試諗下 "如果個男人追你之前,考慮個女仔個樣係幾靚,但身材唔係幾好喎....就萛身材好,又唔知過幾年會唔會走樣呢...." 如果佢係咁諗你都唔鍾意啦.

唔怪得D男人成日話我地D女仔只係向錢看.有時又真係幫唔落.睇你既concern只係同錢有關...唉!!! 要辛苦都係3年jei.你唔俾佢會升職加薪架. 做人唔可以咁貪心, 要知足架. 仲有個屋企係你有份既,佢冇能力俾哂,你出D都好應該呀.最多結左婚記住叫佢層樓加你名囉.

我唔知你係咪覺得自己年紀好大.所以會咁諗.唔想浪費時間. 好多女仔都唔會想浪費時間.但我覺得你只係想搵個人令你唔冼捱.咁你應該專心搵個有錢人.D好男人留返俾第二D女仔啦.不過D有錢人一係就吝嗇,一係就好滾.(我都同過一個好有錢,以億計,但好吝嗇既男朋友一齊,佢連餐飯都想同我計.我會有幾開心??) 你自己諗下啦.

我都知我咁講會得失你架啦. 但係真係有感而發.(我好懶打中文架).希望你唔好錯過好機會啦.

你幾多歲呀??如果後生仲有得揀既咪再揀囉,不過要知道一句話: 你揀人人揀你!
其實佢肯踏實咁做野,好過好多人啦...仲有拍拖結婚既野,現今社會唔再係男人一個比錢啦...如果要結婚,咁層樓你可以同佢一齊供唧...可以共患難既同時,將來都可以共富貴架! 做人係要實際,但唔好因為咁去揀另一伴囉,遲早害左自己~可能唔0岩聽,不過我都係希望你搵個自己愛既人先好諗結婚! 其實佢算係一個好男人,起碼佢仲會照顧佢家人...所以佢應該都會係一個負責任既男人(仲要係想結婚唔多出去玩...)! 人係冇十全十美...祝你好運啦~

請恕我直言,可能香港真係有好多女仔好似你咁諗嘢,所以先成日俾人話
我哋好高傲遠同勢利,而家佢只係支出大少少你都巳經係度計住晒,如果
萬一佢層樓負資產(大吉利事)咁咪連愛人同鍾意人慨資格都無(真可憐!)
如果你連呢D都介意,咁你點做到結婚誓言入面『無論生老病死,貧賤富
貴都一起面對』
我覺得如果你真係鍾意佢,就算在家睇VCD和食飯都開心,何況你哋都未
致於咁!其實你哋環境都算唔錯,如果你對佢有feel,咁要珍惜機會,但如果
你純粹諗住嫁注好人家唔使捱,咁就努力d去識過第2個有錢人啦!
祝你幸運!

冇人係完美既.....

如果你真係因為錢而同一個男人一齊
咁你一開始就唔應該俾chance佢啦

我明白每個女人都只係想有個安穩既伴侶
如果你係有信心可以同佢一齊涯3年既咁就ok

不過你宜家都已經咁諗佢已經好負面
一定會有argue
除非你真的不介意付出

小妹對伴侶既宗旨係
"包容、尊重"

希望你會搵到一個好既伴侶

愛情吾會計較金錢同價值!!
如果你要考慮既係你係吾係鍾意對方呀!
佢開支令佢吃力,你可以幫下呀!! 咪大家一齊慳d用錢lor.
有心吾怕難,如果你真係鍾意對方的話!

老老實實，你有幾鍾意呢個人是第一考慮，他情況也不差呢，踏踏實實好過嫁個有錢，結果花心者或浮誇的人，起碼他都是個對屋企人有責任的人。但如果你好看重將來有好舒適的生活，應該說現在想即刻擁有，似乎未是時候。想settle down也許很多女人也有想過，但過一段時間又會有別的想法。但切勿在傖卒中結婚，結果在悠閒中懊悔。

無謂害人害己，拍住拖始終有感情的，到時分開更痛苦，再諗清楚吧，亦看他對你幾有誠意先。