倉鼠好似柯爛屎

A.如果便便出現爛既話,就似係有肚瀉
好多時新買既鼠都有呢個問題,鼠鼠去到一個陌生既環境,接觸陌生人,鼠鼠一感到壓力,就有機會誘發肚瀉,甩毛,濕尾症等問題,仲有可能係因為鼠店食既糧同你買既糧唔同,鼠鼠一時未慣轉糧,都會有肚瀉既可能

分辨肚瀉:
1)嚴重既好易分,會明顯地見到鼠鼠既便便爛同濕,如果初期既肚瀉就較難去分
2)你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別林or硬左,我成日都會咁做
3)留意鼠鼠肛門一帶會唔會成日濕濕地,但便秘都會濕,但應該唔難分佢係肚瀉定便秘
4)清晒個籠之後,再仔細留意佢既排泄物係咪真係比平日多左,如果平日冇留意既話,就較用呢個方法難分,不過多數之前講既方法已可分到

肚瀉既要留意以下幾點:
1)買d止瀉藥加入水度俾佢飲(Gimborn 止瀉藥OR SUPRA-CELL N700止瀉素幾好)
2)唔好食零食之類,蔬果更加唔可以食啦.食鼠主糧,都可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間
3)有第隻鼠一齊就要分籠,因為會傳染既,而且俾藥都要分籠先俾到
4)保持個籠衛生
5)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多.
6)鼠鼠有唔舒服係會特別怕人,都唔好打擾佢咁多
7)鼠鼠既用品同籠都要用動物專用既消毒劑消毒
8)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生.
9)肚瀉不止(2,3日左右)or瀉得嚴重,就最好去睇醫生啦
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/
基本診金$290,藥及手術另計

平d可以睇愛護動物協會,但做手術既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
診金百幾,藥及手術另計

B.鼠鼠肚瀉要常常打理個籠,如果唔係會有好多菌,所以一定要清晒籠既便便,而且咁做可以方便觀察鼠鼠既排泄物有冇好轉
建議你每天都清一清,最好多D洗籠,用小動物專用消毒劑OR牙膏去洗一洗籠,唔係D菌易令鼠鼠有甩毛OR其他問題

2008-01-19 19:56:55 補充：
絕對唔可以俾水果俾鼠鼠食,平日俾鼠鼠食已經好易令鼠鼠肚瀉,鼠鼠眶瀉時再俾鼠鼠食,好易瀉到好嚴重平日唔建議俾鼠鼠食水果既原因可參考以下我回答既知識:http://hk.knowledge.yahoo.com/question/?qid=7008010505053

2008-01-19 23:35:10 補充：
之前講既止瀉藥,約$50-60,好多鼠店都會有,最好去之前打去問左先,咁就唔洗白行,以下我回答既知識有近屯門既鼠店資料:http://hk.knowledge.yahoo.com/question/?qid=7007092603560睇唻你既鼠真係肚瀉,盡快買藥俾佢用,肚瀉係嚴重疾病,如果自行用藥2,3日都唔好or有惡化,就一定要睇醫生先得,一般輕微肚瀉,鼠店有既止瀉藥係會有幫助既有d鼠店會叫人買一隻日文牌子,藍色盒,藥水綠綠地色,支X5ml,$65左右既藥,但因為唔係幾肯定佢係咪真係藥(有網友話店員講係藥,但我問店員話係營養水),而且呢隻藥冇咩效,所以就唔好買呢隻會較好

2008-01-19 23:35:18 補充：
冇咩錢可考慮去愛護動物協會既醫療車,肚瀉唔算好難好既

2008-01-23 07:10:09 補充：
好抱歉知道你既鼠鼠離開左,希望你唔好太傷心唔知呢兩日有冇買到止瀉藥俾鼠鼠呢?雖然肚瀉初時唔難醫,但冇理既話就可大可小,而肚瀉時飲唔到水就好易做成脫水,脫水就好易死亡而鼠鼠便便帶紅,可能係瀉得太緊要而令佢流血,又或內臟有問題,其實已反映病情不輕,所以萬一不幸下次有呢個情況,就要盡快帶鼠鼠睇醫生了有幾樣野可以留意返:1)買返唻既時候,最好已經買齊屋仔同食物兜等用品,咁可以令鼠鼠有自己既屋仔自己既窩,安全感都多d,而且唔洗鼠鼠未習慣又再加野落去2)天氣較凍or熱既時候最好等氣溫定d先買鼠,咁就唔洗怕鼠鼠未習慣而凍親,而凍既時候最好用鼠專用棉去保暖(新買既鼠未必咁快慣用棉)

2008-01-23 07:10:22 補充：
3)有香味既沖涼粉(木糠都係)係較易令鼠鼠有過敏既問題,所以唔好用呢類產品4)用品當動物死既時候就一定要消毒好先再用,唔係就好易有好多菌,如果放左一段時間都可以冇事,但最好緊係有消毒,而家呢隻鼠死左,都記得要消毒,可以用普通消毒藥水(但咁要放耐d先再俾動物用),又或小動物專用消毒劑or牙膏去洗都可以5)洗完生水再放熟水問題不大,不過我自己就習慣用熟水沖一沖水樽先再放熟水俾鼠鼠飲6)每天同鼠鼠換水時都要留意水樽出水有冇問題,測試水樽最好就係將水樽好似放左入籠咁垂直放,用手指尖輕輕托下,咁就會較接近鼠鼠飲水既情況,用手又可以感覺到出水時會唔會出到但困難,我次次換水都會咁試既

你換水時係咪俾o左未煲過o既水俾d鼠鼠飲呀??
鼠鼠要飲煲滾後放涼了 (室溫) o既水o架...
鼠鼠唔飲得生水o架, 飲生水會肚瀉...

佢係咪冇做運動，一次過柯得太多屎呢＝．＝＝’？
你買個木糠，比佢做下運動（比多ｄ水果佢食）