Plasma TV好定LCD TV好？二合一電視好定高清電視加機頂盒好？

Plasma同LCD各有各好處
同呎吋來講,LCD較容易做到高的解像度,Plasma最小要去到50吋先做到全高清,LCD就32吋都有,而家個個都話要全高清,但捨得買50吋Plasma既人真係唔係咁多,所以LCD較受觀形.
雖然LCD的黑位已經比以前好好多,但Pioneer的Kuro系列已經做到可以好似熄咗機咁黑.
可視角度LCD己經進步咗好多,但受制於一定要有背光燈,始終差過Plasma
LCD的格你冇Plasma咁明顯,近小小睇都得
LCD唔會點燒印,Plasma會,打得game多的固定畫面好危險
Plasma的動態畫面較暢順,如果用動態影像測試器顯示四條直線由左至右以每5秒的速度移,在900線解像度下,Plasma仍然可以見到4條線,LCD則在300線已經唔掂.
Plasma比LCD耗電好多
耐用程度其實大家差唔多.
價錢方面如果規格一樣的話,Plasma會貴幾多下
以下網頁都有啲介紹
http://www.lcdtvbuyingguide.com/lcdtv-plasmavslcd.shtml
結論係除非你好發燒,追求完美,否則都係用LCD吧.

假設你講的二合一即係內置數碼調諧器的電視,好處自然係唔駛加個機頂盒就可以睇數碼廣播.其他方面如果同冇調諧器的電視一樣當然係佢好.至小多樣嘢,唔用都冇損失.但現在選擇比較小,尤其大牌子未有.
至於機頂盒的好處就係即刻有得用,配乜電視都得.阿媽冇得睇你俾佢用都得.而且可以駁其他器材例如投影機等,唔駛淨係得一部電視睇到數碼廣播.唔好處係要俾額外錢買同埋睇電視要開多一部機.