✔ 最佳答案
我年年放大假都去旅行, 起碼 18 日。
我啲花有大盆, 有細盆。
我會用一啲平底, 大過花盆的洗衫用的膠盆, 或膠盒, 將啲花盆放入去, 大花盆放一齊, 在外面的盆注入 5-6 吋水。 細的盆放在一齊, 在外面的盆注入3-4吋水, 其實你只要將花盆浸在水中, 外面的器皿大小冇問題, 不要太小, 否則水容易乾。
注入的水只要不高過花盆便可。如果你啲花在猛烈的太陽下, 就要放多些水, 或把它們移到不會太曬的地方。
在臨去旅行的前一日將所有的花淋足水,然後在花盆的泥上鋪上濕紙巾, 就算紙巾乾咗都會貼住泥土,防止泥裏面的水份蒸發得太快。紙巾不要放太厚, 以免妨礙泥土呼吸。
一般的花草, 一個星期唔淋水冇問題的, 所以外面的盆的水不用放太多, 當然你每一個花盆都要有洞, 才可以靠外面盆的水保持泥土的濕潤。
我去完旅行, 啲花冇乾死, 亦冇被浸死。
以上方法只是本人經驗, 謹供參考。
如果有朋友或親戚可以信任佢哋進入你屋, 可以請佢哋幫你每星期淋兩次水, 或把最心愛的花放到唔係失魂的(會忘記淋水)朋友或親戚家暫時寄養。