新手理財問題

叫媽媽開個中銀的月供股戶口

選1隻月供

好似$500都可供1個月

如要$1000才可 你就每2個供1次

其中1個好處是你冇錢時可停供几個月

有錢時再去銀行塡表再供

基金不能停

對於你暫没有收入來源會較彈性

股票派息你都會有

中銀收的行政費較其他銀行少

供得1-2年以平均價計應較活好

我自己正供 #2628

買人民幣是可行的方法，但你錢唔多，實際收益唔大，而且要承受匯價變動的風險。
零存整付是較為合你的。中資銀行有做。性質是每月儲錢，銀行比的利息比活期高，這類存款為期約1-2年，同埋係開始時已經知道供完後實收幾多，100%賺，無風險。
至於定期存款，同樣是100%賺，無風險，但 $50,000以下的利息同活期無分別，所以暫時不合你用。
至於月供基金，ICBC $500 都有得做，但係你對投資市場唔認識，唔建議依家做，等你認識多d先。有風險，可以好勁風險。
一定要提你的是︰就算你要買基金，切勿買有保險成份的基金。你認識多d後自然明白。
在求學階段，不建議從事投資或投機，免分心讀書，及影响讀書心情，定期同零存整付較為好。你現在要投資在讀書方面，考到好的成績，學位，對將來工作有很大的幫助，而高收入是投資是必勝術。個個月有人比幾萬元人工你洗，仲可以攞嚟錢搵錢，正！而且可以持續幾十年直至退休。
年青人，想想長遠策略。