婚禮 MC

我自己認為~司儀稿要自己用下心思去諗...
例如諗下一對新人比到d咩感想、感受你~
好似我一對司儀~佢就講出我老公由拍拖到結婚佢地睇到佢點細心對我啦
(講d實際d佢地有做過既野會好d)~另一個就話我地好合拍啦~又講d實例出黎咁

建議你可以上網搵一d司儀稿去參考修改做你既稿

可以去呢個網站http://www.herastudio.com/downloadfiles.html
下載「婚宴上的司儀搞」

其實成個過程都係司儀去帶架喇~要注意既野你都要同對新人傾下~睇下佢地本人邊方面會有要求d會好d~最重要係keep時間要keep得好~入席呢家野係最難keep時間~你宣佈入席起碼要預半粒鐘先得~半粒鐘入面要有禮貌地吹人入席~我自己認為呢樣要注意d

你地可以同兄弟姊妹們商量有咩節目可以感動
比多個參考你~我結婚當晚婚宴~司儀同兄弟姊妹幫我預備左個好美麗既心心海
我同我老公事先係唔知~所以場面同賓客都幾感動幾開心~你可以去看看我的婚宴遊戲分享
仲有其他遊戲介紹~慢慢看啦
http://hk.myblog.yahoo.com/jw!YpnbqdiFBw4vnr7CoKiv3u._rbk-/article?mid=604

祝當晚你地個個都順利開心啦^_^!

「拉斐特」位於港鐵站上蓋之二萬呎自置物業，提供多個特色證婚禮堂及婚宴場地，總共為超過2500對新人籌備婚禮,我們的專業團隊同時為新人提供完善婚禮配套：婚紗禮服，新娘化妝和攝影攝錄，實現真正一站式婚嫁服務。http://www.l-wedding.hk

講詞
首先你要先係五分鐘前
叫所有親朋好友入座先
(各位來賓,xxx同xxx既婚宴即將開始,請各位就坐)
xxx當然係結婚個2人既名啦
這樣d來賓就可以早d乖乖入座
如果有vedio可以先播
(大家黎到梗係想知更多佢地既幸福片段啦,我地而家即刻去片)
之後就到新人入場
(大家睇左咁耐係唔係好期待xxx同xxx既真人呢,
我地用熱烈既掌聲歡迎兩位新人xxx 同xxx入場)
入場後就開始切蛋糕
(首先我地有請一對新人切結婚蛋糕)
切完就講d好意頭嘢, 如(切過蛋糕,就以後有咩困難都可以披荊斬棘共同渡過)
之後就飲交杯酒 (請xxx同xxx飲交杯酒)(飲過交杯酒以後有咩都可以分甘同味)
(我地大家一齊舉杯同一對新人祝酒好唔好呀)
(數三聲大家就一齊舉杯祝酒,一 二三)
(大家係唔係覺得好似xxx同xxx有d嘢未做呀)
之前係台下搵d兄弟姊妹幫手叫佢地咀
(係喎,咁你地兩個就要鍚一鍚喇,我地數9吓,長長久久)
如果氣氛好就數既時候拖長d 例如數多幾下8呀
(真係一個世紀之吻, 阿xxx同xxx 咁多親朋好友黎到祝賀你地,
你地係唔係有d嘢想講, 講下d感受呢)
之前要同一對新人夾叫佢地諗講乜
通常係多謝人呀嗰d
之後講
(xxx同xxx既婚禮儀式己完滿結束, 酒微菜薄希望大家食得開心d)
之後到敬完酒就可開始玩遊戲
(大家食咁耐都要做下運動玩下遊戲啦喎)
之後就開始你地d game
講詞大約有呢d
但如果有證婚就有d唔同
會係入場後請律師同證婚人上台
要之前同個律師夾會講d乜
如講結婚詞
交換介子程序等

但如果你第一次做mc,
我提議你搵一個做過既做partner
同之前一定要排練
如果唔係可能上到台唔知講乜
人地結婚一生人一次,講錯嘢就唔好
同要早d去婚宴場地安排播歌播片等事
最好之前問d家長係唔係保守既人
係既話講嘢要梗小心
當然期間可能會有好多意想不到既嘢
一定要執生
嗰d 平時唔覺既口頭禪,如死啦,撞鬼,妖,嗰d就要戒

至於遊戲可以同兄弟姊妹商量
現提供二個
如圍獎
每一圍放一張紙
叫佢地寫祝福語,最多就可以攞圍獎
每人一封利是
當然要佢地一齊大大聲一齊祝福一對新人啦

每枱放d雜誌或報紙,双面膠紙,較剪等
你台上講d祝福語,佢地就係台下剪貼返出黎
最快或最靚就有利是

自己個mc既經驗

我都做過婚禮MC, 有一樣最重要既, 就係要搵台下d人幫手, 如果你有遊戲玩, 記住搵定幾個人做枚, 到時無人參與, 有呢幾個枚人, 可以攪起氣氛, 唔會dead air

遊戲方面, 有一個遊戲好好玩既, 叫做持家有道, 其實係一個數錢遊戲, 首先預備一個好意頭既錢既數目, 例如$888, 跟住將d錢換到好散, 例如2張$100, 4張$50, 10張$20, 20張$10, 再加d $5, $2, $1, $0.5, $0.2同$0.1, 跟住預備一d問題, 預備定多d備用, 例如: natural裡面有幾多個a字, 車字有幾多筆畫, 1週年結婚紀念係幾多幾日, 你老婆(老公)幾多號生日.....等等, 之後由新郎,新娘(一個一個玩)數返有幾多錢, 當然事前唔可以比佢知道個總數啦, 跟住佢一路數, 你一路問問題要佢答, 佢一路數錢, 好好笑架, 跟住事前可以叫台下既人估下邊個會最接近, 再抽個幸運兒出黎, 比封利是仔大家開心~

至於講詞方面, 我上次雖然有台詞, 但係到最後都唔係講嗰d, 超搞笑, 執生啦~

祝你成功~