請有經驗人士指點,真心想從新做人

你首先要減低支出先.
從文中不知你的情況, 你除了俾家用, 還要俾租, 可否搬回家先 ?
另外電話費要 200很多, 轉 PLAN 減小分鐘, 一千分鐘都唔駛一百.
如果保險不是供得太長, 可以 CUT 左先.
集中還晒咭數. 因為會計息.

跟住看看可否家人幫還其中一筆 15000的款項, 因為你還了五期, 還有七期很快便過.
不能的話可到銀行商討方法. 因你有心還而不是走數的話, 都可能有得傾.

或者朋友可否借住給你, 雙糧, BOUNS, 利是都要用晒, 沒法子, 因你個頭開得太大, 一個人付擔不了.

其實以你個案來看, 我有個朋友從前也試過類似經驗, 他也嘗試過債務重整, 但是不受理,
最後他只可跟銀行再討論將所有所欠的款項重整一次, 當然銀行要求我的朋友要比更高利息及要還款更長, 但是銀行方面未必很答應你的要求, 所以你也要交出你的誠意及交代準確還款日期.
同樣他們也怕你還唔錢後, 他們也要找收數公司代收, 因為銀行同樣要比收數公司費用, 所以你可以嘗試跟銀行傾傾.
希望我可以所提供一點意見可以幫到你.
祝你早日解決這問題.

唔使咁麻煩,搞咁鬼多嘢!如果搞得掂目前,就一動不如一靜啦!如果你係一個月還一期咁利息唔算高,不宜改動.
(a)每月1300元x24期=總還款31200元-借款28000元=利息3200元
(b)每月1300元x12期=總還款15600元-借款15000元=利息600元
而家利息咁低,不宜拖長年期,你自己睇吓上面兩條數(a)數借貸未到時(b)數一陪,但係因為拖長一陪時間,比的利息是5陪幾...
(p.s 我唔想再借錢來填數了..)<有呢句即係用呢條數[10月尾又在hkbc借了分期萬應錢28000分24個月還,已還3期1300一期]冚嗰條數啦![9月尾在hkbc借了分期萬應錢15000分12個月還,已還了5期1300一期]<點解你會還咗五期???10月11月12月1月2月.但係而家重係1月中,

咁....即係話你滾緊個雪球,基本上你根本無真金白銀咁還過錢,其實月入7344元,已經屬於生活緊逼,每種使費,都要計算,都要量入為出,而你可以供400元保險和200元電話費,到底有無搞錯???我只覺得你太過不自量力.
我在恒生的人壽保都係65元一個月,電話費62蚊一個月,我都厭佢貴,只是在舖內其他電訊收唔到,我至局用,咁可想而知你平時是怎樣使錢.
你唔想借錢冚債,就唔該你[的]起心肝搞掂佢.
你有時間賭錢,即係有時間搵兼職啦!趁放假拿拿聲搵份兼職啦!搬貨又好.乜鬼都好,有錢搵就做啦!再睇吓你自己有d乜嘢放晒上網賣!朋友睇得啱嘅都拿拿聲賣比佢,盡量將自己嘅身外物套現還債.

惠學長的開場白太流於感性,不懂人性,某類人永遠都是某類人,沒得改!
上述各學長的解決方法皆可一試
二百元的電話費太多了,要量入為出啊!

其實你情況都唔係太差, 只係你自已冇左駛費啫.....
我唔太同意廷長還款期, 返而搵多一份part time 做下, 咁你就唔駛個個月都倒扣1000.00啦. 咁咪唔駛再蝕利息俾銀行囉.

shenmuexbox答的很好，你一定要先減你的支出，保險cut左佢啦！電話費200太多啦！唔好再碌卡啦！你試下同銀行傾債務重組啦！不過，佢地最先一定話唔可以，因為佢會話你有收入，你係要比佢地知道你已經冇能力還，但比d誠意佢地，希望每個月還少d，你有工做開同埋還款紀錄好既話都有機會既，但1000-1300呢個數就難d。如果你還開果間企梗既話，你試下轉銀行，記住要轉都只可以揀銀行黎轉，係要傾三條數合埋計而你話得起既數目先轉。
其實最好同家人商量，請佢地幫手或者家用比少d，係難受點，但借街數填數恐防越滾越大，幾難還架，到時先爆咪仲大鑊，怕佢地想幫都未必幫到！
萬應錢果度都未算高息，卡數先勁，拿拿林搞掂先，試下同佢傾埋cut card啦！

2008-01-19 04:08:58 補充：
打錯字(係三條數合計而還得起至好轉)唔好再拖，得唔得都好，都要去同銀行傾(最好梗係先同家人傾)，唔好求其問職員(可能會膚衍你)，要傾一定要坐低傾果隻。希望幫到你，天無絕人之路！