個男仔咁樣係咪鍾意我??(((((((15點))))))))

哈哈~聽你咁講,其實佢鍾意你都唔出奇,因為有啲男仔會怕醜唔敢向對方表白,但又想吸引到你嘅注意,於是乎就會用好多唔同嘅方法去吸引你注意,例如你都有提及到嘅"蝦你",仲有"扯你啲頭髮",因為佢一捉弄你,你就會嬲,可能你仲會還手打佢,雖然你當時係嬲,但你一打佢,你自己無形中又會覺得打得好開心,而當佢見到你打佢時開心,佢又會好開心,咁之後就可能你打吓佢,佢又打吓你,慢慢就會打出情趣 ( 自己之前都有類似嘅經驗,而我同佢就係成日收埋大家啲文具.書本,最初係佢同埋另外幾個男仔成日收埋我啲文具,最後我又倒翻轉收埋番佢啲嘢 ^_^" ),你可以嘗試寫紙仔同佢傾吓計,之後將張紙仔摺成心形放喺佢個課室櫃筒或者locker(此方法我都用過,成日寫埋啲無聊嘢,例如:"下午去邊食飯,去邊喥等你","放學去邊"...等等,又或者用手機send msn,叫佢寫出你嘅優點同缺點,如果當你鍾意一個人嘅時候,你係會特別留意佢,所以佢一定會寫得到,希望我嘅回答會對你有啲幫助,最後預祝你鼠年會有一段好姻緣來臨。

應該係鍾意左你la!!

應該佢鍾意左你!!
因為當一個男仔對你有feel果陣佢會令你注意到佢既一舉一動!!

我是男的..
我諗你唔駛咁急住..
因為你地係同班加嘛..
你可以嘗試叫D frd問下佢係咪真係鐘意你..
或者有冇feel..
唔好以為佢成日蝦你就代表唔鐘意你..
有D男仔開頭都會蝦自己喜歡既女仔..
仲有如果真係真心鐘意就唔應該介意佢既身高..
因為愛代表左包容..

好好想想吧..