小額錢債....

✔ 最佳答案

上面的etkit師兄, 小額錢債審裁處係正式法庭. 所發出的命令同其他法庭發出的命令無分別, 一樣係有法律約束力. 不同嘅只係小額錢債審裁處審理$5萬以下的錢債案件. (唔通揾個月入廾萬的高院法官去審$800的錢債案咩??)
理論上, 你被判輸, 而未還返條數, 對方可憑法庭的命令以合法行動追你債, 包括如果你有物業就釘你契, 強制要你賣樓還債, 或向法院申請個"扣押債務人財產令狀 ( Writ of Fieri Facias)", 任命執達吏去沒收你擁有的汽車 , 傢俬 , 辦公室設備 , 電腦或藝術品等個人資產或動產 , 並將之出售以償還欠款, 甚至申請你破產.
但實際上, 欠果幾百蚊, 而採取以上行動吓吓費用過千, 所以佢係唔會咁做. 但你會收到好多電話追數call囉! 煩到你還錢為止.
咁對方係唔係無你乎呢? 就要睇吓對方公司的律師 / 法務部醒唔醒目啦. 你唔還錢, 即係當法庭的命令無到啦. 如果我係對方的律師 / 法務部, 我就會做張誓張, 入稟法庭話你蔑視法庭(刑事罪). 等法庭監禁你14日, 等你俾人通吓柜, 輪吓大鑊飯...玩吓你都好呀, 又唔使錢嘅! 呢招唔係好多人識!
最後答你, 在香港, 只有欠政錢, 例如交通罰款; 稅...等, 先至係刑事. 法庭可出窩輪叫警察拉你及阻止你出境. 其他民事錢債案, 係唔會影響你出入境嘅.
話埋你知: 小額錢債審裁處判你輸呢個法庭紀錄, 將被列入你嘅個人信貸資料庫內. 對你以後申請貸款, 例如信用卡, 會有負面影響. 果幾百蚊, 交咗佢啦.

回答 (2)