澳門金都酒店 vs 澳門麗景灣酒店 vs 澳門利澳酒店

[匿名]

2008-01-19 3:22 am

我會同我女朋友去澳門3日2夜
而家煩惱緊揀呢3間裡面邊間好~!

上網睇d人話金都酒店同麗景灣酒店都好偏, 係咪真係好唔方便???

另外你地知唔知每間一晚大概幾多$?? ( 唔係套票 )

希望有人住過呢幾間可以比度d意見我, thx~!

更新1:

我再補祝多少少因為我去3日2夜, 我打去中旅社度問, 佢話得2日1夜既套票, 如果想加多晚就要補返多一晚既錢, 而船飛就可以幫我改日期去第3日。所以我就係想問下+個一晚會幾多錢~ 我會星期四去星期六返, 所以加多晚既應該係加星期五~ 定係你地有d人知道有3日2夜既套票?? Thanks~~~ :)

回答 (1)

匿名

2008-01-19 5:49 am

✔ 最佳答案

金都酒店響路氹填海區，真係幾偏，除咗佢嘅shuttle bus之外，就要搭的士（五六十蚊先去到澳門市區，去氹仔市區都要三十蚊），好似唔覺有巴士經過，不過佢本身有嘢玩，嘢食都幾好食．

麗景灣酒店即係以前嘅Hyatt，響氹仔，不過就唔算好偏，起碼門口附近有巴士，而且話晒以前都係有名嘅五星級酒店（不過就好舊啦，可能已經有廿幾年歷史啦）．

利澳酒店就響澳門新口岸區（賭場雲集），酒店係三間之中最新嘅，不過格調就唔高（係商業大廈改出黎嘅），如果要玩要食，呢間應該係最方便嘅．

至於房價，因為唔知你幾時去，而家澳門酒店價格浮動得好大，所以講唔埋邊間平，幾多錢，不過，理論上買套票點都平過分開訂．

2008-01-20 10:49:44 補充：
星期五，六都係最貴嘅．如果過年過節或者有特別節目就更加貴，一般你預七百至千二蚊啦（過年過節炒到兩千幾）．

參考: 個人知識

👍 0 👎 0