樓宇出租業主是否一定要打厘印？(10分)

租約打厘印既計算係以年期及年租金作準, 唔係以樓宇價值計

計算方法如下:
無指定租期或租期不固定的租約, 需付的厘印費用為年租金的0.25% (如有免租期的話, 則平均年租金的0.25%)
一年或少於一年的租約, 需付的需厘印費用為年租金的0.25% (或平均年租金的0.25%)
多於一年至三年的租約, 需厘印費用為年租金的0.5% (或平均年租金的0.5%)
多於三年的租約, 需厘印費用為年租金的1% (或平均年租金的0.5%)

通常租約都係一式兩份, 所以要比多5蚊做副本
都無話係邊個比錢既, 通常都係一人一半, 公平D囉,
但有時都會有是旦一方比晒, 呢D就應該係簽租約前講清楚或係租約入面寫清楚

都無話係咪一定要打厘印既, 但係要打既話就要係租約日期既1個月內打, 如果遲左要比多D錢打厘印(罰錢!!)
打左厘印既好處係可以因某方違反租約既時候, 可以去法庭告佢
無打既話就唔可以囉, 或者到時先打厘印, 可能要比十倍既厘印

政府梗係會知到你出租物業啦, 除左打厘印, 住宅租約簽左其實要填張CR109去差餉物業估價處去報, 而且你報稅都要寫啦, 因為出租物業要比物業稅, 唔寫咪犯法囉, 唔好因少失大呀

唔知你係租客定業主, 提提你, 如果個物業按左比銀行, 其實要係租出之前取得銀行既同意書架, 否則損失多既一方會係"租客", 因為如果業主唔供樓比銀行收樓, 銀行有權唔理租客照收樓, 但係攞左同意既話, 銀行通常都會比租客繼續租個單位直至完約.

若不打厘印, 日後與租客發生租金問題, 或不準時交租, 上到法庭, 法庭會不受理, 想收回樓宁很難, 你一定去打厘印, 做正手續, 免日後麻煩, 不要因一時縮骨有關稅問題, 日後你會後悔莫及.

2008-01-18 17:16:32 補充：
厘印費大約500元,每人各付一半, 如遇有租金問題, 法庭受理, 若不打厘印, 想收租金和收回樓宁很難, 因法庭不受理, 你己吃大虧, 投訴無門, 小心!小心!

不一定要打厘印, 但是不打厘印租約是沒有法律效力, 追租困難, 後補打要罰款.
厘印費要幾百(300-500), 業主、租戶各50%.
打左厘印等於政府知道該樓宇出租, 要交稅.