覺得自己好失敗..

哈哈~~
你真係好鬼小氣
問人咁長既問題比得咁少分數

我係一個男仔, 或者咁睇呢件事啦
賭馬係為興趣又好, 真係想贏錢又好
如果為興趣既, 駛係興趣上既錢唔算多, 而每個人都會駛
而如果想贏錢既話, 就更加難講啦, 佢依家都可以算係投資既一種既, 不過冇乜資料之下去賭, 機會底但係回報高.
呢兩個情況之下, 駛既錢都唔係你話一句: [比一千蚊我] 就無啦啦比你
好多人都可以比好多錢一d唔識既人, 例如捐錢等等... 但係都要有個原因係人地好需要, 又或者好急, 又或者幫到好多人丫, 而唔係你無啦啦話一句: [比一千蚊我] 就會比lor.
最重要就係佢人工幾多先??


就算佢人工比你多, 講到儲錢買樓既話, 大家都係一人儲一半好d, 一人一半其實係好公平既一件事, 數字又清楚. 等到將來大家可以分手時分身家都方便d丫. 你講到呢樣野令我覺得你好似好想找佢著數但係找唔到著數咁.

而你話佢食飯唔比錢, 我唔知實際既情況係點, 如果真係好似你咁講既話佢又唔係咁好既, 不過會唔會係你比食飯佢比錢開房唱k等等... 可能最後佢都係比得多過你...當然, 只係假設啦. 但係人通常只係會記住自己比錢既時候, 唔記得人地比錢既時候, 你會唔會有機會唔覺佢比得多? 又或者佢真係唔覺佢比得少? 如果你想公平d既, 咪一人一次lor. 我諗一個男仔都唔會反對既.

拍拖既野, 都係大家開心既o者, 其實佢如果真係令你咁計較佢比左幾多錢/ 佢有冇當你工人咁駛/ 佢儲幾多錢等等
呢個男人都唔係咁好

通常既做法係大家都係會某d方面將就一下對方, 而係另一方面就比對方將就一下
最後大家都記住對方對自己好既部份
咁樣既愛情大家都會幸福一d

如果呢個男仔教唔到你學識呢樣野, 找過另一個男仔啦.

當然...如果你可以自己學得識就最好啦.

但你都吾會打算就咁過一世架嗎！
就算家人都覺得你們一定會結婚
你都無理由一世咁就佢！

結婚吾系玩,,
相信你十分清楚
既然你想要的老公同佢是完全兩個人
咁仲乜仲要結婚？
你吾系佢既工人＋提款機！！！
好好愛惜自己
結婚呢Ｄ野
要同錫自己、真心為大家未來好既人
要記住
分手是對你未來幸福

其實你男友咁(大花筒)意思「好鍾意亂花錢」，
佢日日咁樣做唔好話買樓，你一同佢結婚，仲會「餓死老婆困臭屋」，
所以感情一定要永遠培養直到死為止，如果感情一變淡，真係咩都會有可能發生，
如果最後雙方關係仲係咁淡，最好就係分手啦，因為佢根本都唔適合你。