10點﹗請問各位20~29y的女仕們(男人也可)你地每月搵幾多錢一個月&係做邊一行，返幾點放幾點﹖

我24Y (女),O係尖咀返工 ,返9放6 ,做MERCHANDISER.
--- 22Y既時候每個月比1000家人 , 因為當時搵得7500一個月.
依家有10000一個月 , 我比每個月比2500家人. 原因係家人年紀大左 ,
自己開始責任感大左 , 所以都比多左. 過時過節都會加DOUBLE,因為家
人開資都會多D.如果我人工再加 , 當然都會加多D比家人啦.我未有小朋友既!

我29歲, 女, 現職Sales & Marketing, 每月的收入有$18,000而每年年底有雙糧同每年有花紅, 而花紅就睇每年的業績, 試過有6位數字花紅! 而我每個月比屋企$3,500家用, 有時會幫下手比雜費, 第一, 因為我爸爸死時留咗一筆可觀嘅遺產比我媽咪, 而而家住緊嘅地方又係自置物業, 一早已經唔駛供, 所以洗費好少! 而我阿媽又投資有道, 所以佢都唔洗我比好多錢返屋企! 第二係因為我仲兼職讀緊書, 所以係讀書期間都唔得太多! 而我係未結婚所以都未有仔女!

２８歲，女，前職速遞員，銀行假期，五天半工作；現職家庭主婦，與奶奶一起照顧２個年幼子女，１～２年後再戰江湖。
２７歲或之前約$8,000一個月，因為佣金關係，每月差約數百元。跟自己的母親關係惡劣，２０歲因金錢問題被母親趕出家門，所以從來沒有給家用給我的母親（之前我幫母親打理她的小生意）；至於我的父親，在我１１歲時離開，雖然近年開始有聯絡，但只是很陌生的朋友。
我２１歲便跟奶奶同住，當時收入$5,000一個月，我奶奶從不肯收我的錢；２２歲我才結婚，沒有仔女前是我丈夫付家用給奶奶，我就負責交家裡的雜費（水、電、媒氣等）。
有了孩子之後，因為我老爺仍有不錯的收入，我丈夫將家用交給我；除了買菜和管理費是我奶奶自己付的，其餘都是我負責，包括放假時買米、油、廁紙、零食、可存放食品。（奶奶搬不動。）
現時我無業，全職照顧剛出生的ＢＢ和讀幼稚園的女兒，在這方面，不識字的奶奶會很辛苦。我丈夫已辭去工作準備打理我老爺的小生意，我奶奶每月付給我$10,000作家用，買菜和交管理費仍是我奶奶負責。

我係女，28y，做文員，人工$8000，每個月比$2000，如果過時過節就會比多d，未有仔女。