洗衣机摩打有火花

一般家用電器操作時唔應該有過量火花！（摩打轉動時有少許火花是正常的）
估計是摩打轉芯同導電碳刷的接觸墊片老化損耗，導致摩打轉動時產生不正常火花！
但要更換摩打轉芯的接觸墊片，就必須整枝摩打轉動主軸更換，都幾貴下！
或者代理己經幫你整枝摩打轉動主軸更換了，只是新接觸墊片和導電碳刷未能完全摩合，所以有機會較正常多火花，你可小心觀察，睇下用多一兩次後情況有無改善，並致電代理查清楚幫你換過D咩零件，甚至叫代理派人上泥再次檢查清楚！

其實如果漏煤氣的話，就算係打電話或開電視機都可引起爆炸！所以對摩打正常轉動所產生的小許火花無須過份驚恐。

哦！我知啦，其實戈個唔係直流摩打，係交流電電驅式摩打，（可能錯，因爲你架洗衣機有微電子控制）呢種摩打優點係扭力大，轉數快，除此之外就係價錢便宜，缺點係容易壞，唔耐用，易過載，需要換電刷（炭精），難修理，換過新既都無咁貴，好麻煩，唔似D電感式摩打(俗稱鼠籠式)，起動電流雖大，外型較大，一粒大眼雞既摩打有兩個轉速450轉同2900轉左右(220 V 50HZ 12 Pole & 2 Pole 計)，經皮帶輪變速後有5~60轉（洗衣）同3~400轉（亁衣），好處係夠耐用，易修理，十年八年唔需要修理，無火花，雖然起動電流大，但係摩打咁細，半馬力，都不過係1秒鐘内嘅事，就算係粒摩打燒佐都可以拿去扎（重繞），你戈粒電驅式摩打煲佐水啦，要就換過一個新嘅，要連電子板都要換，淨係換碳擦唔得嘅，醫番都半條命。
洗衣機唔似手電鑽、攪拌機、搾汁機等，因爲洗衣機需要時間長洗衣，最少都要半個鐘到一個鐘，洗衣係唔需要用高速既，就算亁衣都唔須要咁快，如果太快件衫好快洗爛。
一架小型磨石機既速度須要一万三千轉以上，但係使用時間短，我都唔知家陣D工程師點樣設計嘅，除非無交流電供應，唔係我就唔會買電驅式摩打既洗衣機啦。
直流摩打接交流電需要加整流子（整流二極管），因爲直流摩打既定子有兩片永久磁鐵，如果真正直流摩打接上交流電係唔會轉嘅，如果接上交流電會轉嘅係有一種叫交直流兩用摩打，佢同樣有碳刷，整流條等，但係無永久磁鐵，以綫圈來代替，呢種摩打轉數係可以調快D，但係長時間操作係唔耐用嘅，但係我知道家陣有一種叫做高效能變頻式洗衣機，電感驅動控制摩打，唔單只洗衣機，冷氣機，雪櫃，就連風扇都有。
研究結果顯示，結合DSP與高效率電源轉換技術於洗衣機嘅摩打控制，可節省約50%嘅電費。
此外，一個高效率的洗衣機也就意味著需要較少嘅清潔劑、較少嘅水，經年累月，可替消費者節省可觀嘅金錢。 電子驅動嘅高效率摩打也去除了傳統式洗衣機嘅傳動機構設計。
我有做過嘅係用變頻器將頻率升高，摩打就自然就會快嘅，有D變頻器仲有編程式來控制快慢時間同左右轉。
如果係直流摩打調轉電源既正負極時，摩打就會反向轉，如果接交流電 L N 摩打唔會轉嘅。

因為你部洗衣機是使用直流摩打，直流摩打的其中一個特點，就是有一個整流器，整流器外有一對俗稱炭精，炭精是夾著圓形的整流器，炭精其主要用途是把電流傳遞給摩打轉子，使其產生磁場，使其轉動。(如手電鑽內的摩打)。

而你家的洗衣機，很可能是炭精差不多用盡或卡住，炭精和整流器不能壓住，產生虛位及接觸不良，所以發出強列的火花。

但是小許火花是正常的，因為電流流經炭精，炭精再流去轉動中的轉子而產生的。

如洗衣機還可以轉動和火花不很強列的話可不必理會，機能是正常的，如果不放心，可以找專業維修洗衣機的人員，要求檢查摩打問題便可，你的情況應該更換炭精便可，看維修佬老唔老實啦。

立即停用,叫人修理LA,爆炸就大鍋