我想請教下大家d 貴價牛仔褲應該點洗但唔會損壞條牛本身既色水!!!?(求專業答案)

[quote]
我家中有5條貴價洗水牛仔褲
我唔知應唔應該放落洗衣機度洗!!!""
[unquote]
ANS︰你可以放落洗衣機度洗架，不過會變樣之嘛。︰p 會變成點？顏色可能會淺左，不過就要視乎你條褲係深色、中色定係淺色。1)深色︰會甩好多色，好似洗極都仲係咁甩唔停咁。如果你果條係洗前的話就仲衰，會可能起水痕，因為洗衣機裏面未必畀倒條褲有足夠o既活動空間。2)中色︰都仲係會甩色，不過冇深色咁嚴重，條褲洗幾次之後會明顯變得淺左少少。3)淺色︰甩色程度極輕微。

( 我想係呢度落個深淺度o既定義先，用o既物件比較大眾化o既野作比較先得，咁先至可以等我地好溝通/ 你容易明白。深色︰大概特區護照左右甚至乎再深d色我就叫佢做深色；中色︰大概TEMPO紙巾包裝袋咁上下深淺我叫佢做中色；淺色︰一張港幣二十元紙幣咁上下深淺我叫佢做淺色。 ***只供參考***)



[quote]
我驚著耐左會臭`
但係我怕拎去洗衣機會令度條牛仔褲d 洗水變淺色
有冇人可以教下我呀>_<
[unquote]
ANS︰肯定會淺架！洗一次淺一次。想淺得唔好咁快咪唔好落機洗囉。其實牛仔褲甩色/淺左色o既原因係因為褲身表面與其他物件磨擦。如果放入洗衣機洗就會同洗衣機裏面o既滾桶產生磨擦，所以用手洗就會減少磨擦。如果真係懶到唔想用手洗咪唯有反轉條褲，拉好拉鍊，扣好哂d鈕去洗個底，不過咁樣都係會甩，只不過冇甩得咁多。



[quote]
ps:我唔要果d 著完反轉黎"掠"既去臭方法
因為聽人講會損壞條牛仔褲既質地
聽人講可以浸熱水
but 我想要詳世d既方法
[unquote]
ANS︰其實我想講反轉黎晾係最好，因為唔洗接觸到水嘛。至於話會損壞條褲o既質地我就真係諗唔到點解會有咁o既講法同埋真係唔多覺囉，如果真係o既話咁d人咪唔洗晾牛仔褲？另外盡量唔好用熱水洗或者係浸熱水，熱水只會令到牛仔褲顏色甩得快d。

其他補充︰
我想講牛仔用鹽水浸係一d作用都冇！呢樣野要緊記！其實鹽只係可以催化某些染色工序時先用。我唔想錯誤o既訊息一直流傳落去。
同埋仲有，用醋都係唔可以防止甩色。如果你用醋洗棉質o既野之後唔過水或者過得唔淨仲會令到佢o既質地弱左會容易爛添。小心！
我諗呢兩樣野盡量唔好試！！尤其係深色牛仔褲。

正確是用白醋加入水中浸6-8個小時, 作用是中和牛仔褲於製作過程當中所用到的漂水, 以令牛仔布本身減低脫色情況. 但不知道你所擁有的牛仔褲本身是用了什麼質量的牛仔布來造, 可能此方法不夠安全, 因不知道會否令牛仔布變了色.

而一般的方法, 可用鹽加入水中浸6-8個小時, 亦可達減低脫色的成效. 當然不是每次洗之前都浸, 而只是浸一次.

其次要留意的是, 不需勤洗 (除非如你所說, 著到臭了!!)

並請盡量用手洗, 不用機洗. 選取一些"漂白劑"成份最少的洗衣粉, 用水輕洗幾趟 (不會臭便可以了, 不要大力猛捽!!). 過兩次清水以去洗水粉, 然後拿起條褲用花洒噴至乾淨, 不要試圖用手扭乾, 只需掛起待風乾便可.