點解默書唔合格要自殺?

默書不合格相信不是主要因素。

有很多有可能成為孩子自殺的原因：

1.因為父母要上班,沒有太多時間與子女溝通,沒有了解他們的心聲,只一味希望他們讀好書,就讀好學校,而忽略孩子想要過的生活

2.香港孩童早熟,事實上真的是,但有很多父母忽略了孩童早熟,認為他們還沒長大,而忽略他們的言論,或者說他們還未懂事,但事實上香港孩童愈來愈早熟愈來愈聰明

3.孩童受電視或電影或新聞影響,以為死能解決問題,有樣學樣

最有可能3個原因為以上,還有很多其他原因,但沒甚麼可能性,所以只列舉上述三點。

正所謂：「餓死事小，失節事大。」

乜野叫做「失節」呀？講到尾，咪係「面子」問題囉。

自殺呢家野，咪叫做「知其不可為而為之」，就好似五億總華探長呂樂先生咁，你以為佢唔知道貪污唔要得咩？咪一樣係「知其不可為而為之」囉。好似大陸果班領導同埋蔣家政權咁，邊個唔想「留芳百世」先？點解要做「遺臭萬年」嘅「千古罪人」，濫殺平民百姓先？咪又係「知其不可為而為之」囉。

自殺呢家野，同埋貪污、殺人呢家野嘅背後原因，都係呢個「知其不可為而為之」嘅「面子」問題囉。

「時耶？命耶？從古如斯！為之奈何？」（呢段野係從李華嘅《弔古戰場文》「斷章取義」而黎架）我都唔知喎。或者，好似董伯伯（咱們香港第一任特首，董建華先生是也）話事齋：「我地真係要好好咁學下儒家精神囉。」：

「君子病無能焉，不病人之不己知也。」

「君子不憂不懼。」、「內省不疚，夫何憂何懼？」

「君子成人之美，不成人之惡。小人反是。」

「君子義以為質，禮以行之，孫以出之，信以成之。君子哉！」

「君子求諸己，小人求諸人。」

「居處恭，執事敬，與人忠。雖之夷狄，不可棄也。」

「君子不重，則不威，學則不固。主忠信。無友不如己者。過則勿憚改。」

「不仁者，不可以久處約，不可以長處樂。仁者安仁，知者利仁。」

「知者不惑，仁者不憂，勇者不懼。」

因為，喺呢個「天下為公、選賢與能、講信修睦」嘅「大同」傳說隨住「雙普選」唔知幾時先有嘅「謀用是作」、「貨力為己」嘅「小康」時代，我地只好：「禮義以為紀－－以正君臣，以篤父子，以睦兄弟，以和夫婦，以設制度，以立田裏，以賢勇知，以功為己。……。禹、湯、文、武、成王、周公，由此其選也。此六君子者，未有不謹於禮者也－－以著其義，以考其信；著有過，刑仁講讓，示民有常。如有不由此者，在埶者去，眾以為殃。」

哦，唔怪得之Ｄ人成日「老懵董」、「老懵董」咁叫董伯伯啦，原來香港嘅「千古罪人」唔單只係彭定康一條友嘅，因為「如有不由此者，在埶者去，眾以為殃」嘛。懂伯伯所提倡嘅儒家思想，真係有獨到嘅見地喇！

2008-01-23 00:25:25 補充：
１）點解默書唔合格要自殺? 因為默書唔合格囉。如果你覺得咁得唔夠嘅話，你等我過幾日「通靈」同「問米」之後，再話過你知下。２）是甚麼教我們的孩子們活在這壓力下?咁要問下自殺死左條����仔嘅老豆、老母同埋學校先知喎。３）教育和社會價值觀是否出現問題?係呀。（你冇問「為甚麼」，我冇奶油要花腦汁去答你呢條可以有「十萬個為甚麼」嘅「潛問題」架。你知啦，解決問題最怕就係估估下架啦，估下估下，好多時就會越估越錯架家，何況而家喺香港做細路哥，真係多做多做、少做小做、唔做就包保唔會違錯，都係唔好講多錯多喇，免得你地又喺度「憑空亂估」、「生安白做」啦，係咪？）

2008-01-23 00:30:47 補充：
仲有呀，我喺度示範梗呢，香港呢個社會嘅果種「九唔搭八」嘅「後現代主義」喎。希望我呢個與題目有密切關係嘅示範，唔會俾人地話係同呢條「冇關」嘅無聊行徑咁就好喇。你知啦，成日俾人地指指點點，真係搞到我好抑鬱囉，俾人地話得多，真係抑鬱到想去搵下佛祖同埋耶穌傾下計、解解愁家嘛。又冇錢索Ｋ上太空囉，又搵唔到Friend入貨買草囉，見佛祖同耶穌最方便嘅方法，咪係燒燒炭、跳跳樓囉，或叫自己乞人憎，冇人陪我傾偈咩。

2008-01-23 00:36:29 補充：
學校Ｄ老師叫，收左工就要去搞補習社喇，邊個咁得閒理我丫。學校個社工，排隊見佢都要排成幾個月先唔知可唔可以搵佢傾到半個鐘頭偈啦，見到佢之後，都唔鬼計算自己為乜野抑鬱喇。屋企個賓賓又唔識講我地Ｄ話，唔通真係同你「雞同鴨講」咩？老豆、老母仲難搵添，鬼咩，佢地個秘書都係人黎家嘛，雖然香港冇呢個「最高工時」嘅法例啫，咁我地放學果陣，佢地都要去蒲家嘛，唔通人地收左公，仲要打電話俾佢搵佢幫手Book佢地個老闆嘅Appointment咩？

2008-01-23 00:44:36 補充：
舊陣時仲話可以同Ｄ朋友仔ＩＣＱ、ＭＳＮ啫，上次測驗唔合格，老豆就唔俾我地玩電腦喇，我而家默書唔合格，仲可以搵邊個偈呀？部電話喺上次考試唔合格果陣，就已經俾阿媽沒收左喇。想打下機、睇下漫畫、睇下電視黎減下壓啫，都唔俾。而家真係「冇自由、失自由，傷心痛心我眼淚流，我行錯路、差錯步，此餐，心傷透……」唉，我而家連氣水都冇得飲、薯片都冇得食，我做人仲有Ｄ乜野意義呀？？？我死左，我老豆老母仲可能會燒幾本《死亡筆記》俾我睇、燒返部Wii俾我玩、買薯條汽水黎拜我。

2008-01-23 00:44:48 補充：
係喎，真係死鬼左佢仲好過做人，為左《死亡筆記》、為左部Wii、為左薯條同埋汽水，我要實得我呢革命！佛祖呀、耶穌呀，你地到時要伴我傾偈呀，唔好好似佢地咁唔聽我講野先好呀。

2008-01-23 00:46:19 補充：
唔記得講，我都係一個有自殺經驗嘅人黎添。

2008-01-23 00:49:07 補充：
應該話，我係一個自過殺嘅低能仔、痴線佬。

2008-01-23 01:01:41 補充：
希望你地知道，每個人做野之後，佢心目中都有住一個信念，就係「做左好過唔做」（包括自殺嘅人）。如果你要知佢點解會做錯事，就需要用「用理心」，代入佢地嘅睇法，然後諗下點解佢地到底有乜野「錯誤」嘅動機同埋「原因」去支持佢地做出呢個「錯誤」嘅決定。但係，只有「當事人」先知最清楚點解佢會有個咁嘅決定，其他人只可以「估」，但係就唔可以「代表」當事人去答。要知道當事人心裏面諗梗嘅係乜野，最有效嘅方法，就係抱著「尊重」嘅心去同佢「溝通」。因為，欠缺尊重，就一定得唔到對方嘅信任，而欠缺信信嘅溝通，只係一個又一個大話嘅「敷衍」，一定得不到全面的真相。

其實小朋友o既思想好簡單,點解佢地要學人同模仿人呢?唔通佢地唔識自己諗方法生活?當然唔係啦,如果係識行識走o既小朋友當佢地無人理o既時候都會自己諗辦法生活,咁樣可以好容易理解,點解以前d香港人解決問題o既能力會高過依家o既咁多;
好喇,講左一大段,其實係想講咩呢?唔係想講佢地鍾意模仿,而係佢地會選擇所有簡單o既方法去解決問題,好似考試,測驗,默書,唔好話小朋友啦,大人都唔鍾意啦,佢地o既壓力係黎自各方面,成績唔好果d反而壓力會細過成績好o既,因為成績唔好o既人發展空間大,會得到成功感o既機會多,而成績好果d因為已經響高位,如果差少少已經可能比人拉低左,可以想像壓力幾大;
咁就算係有壓力都唔駛自殺架?咁就先要諗點解我地要每日努力生存呢?因為我地得到好多道德觀念知道自殺係唔岩;又或者對死亡o既恐懼;仲有就係我地試過響世上得到一d野,令我地唔願意失去佢地.
如果我地失去哂呢d野,有自殺o既念頭一d都唔出奇,我一開始就有講,小朋友會用最簡單o既方法去解決問題,咁佢地會諗:"如果有咁多壓力要面對,不如一死了事就仲好啦,咁以後就唔駛咁煩喇."所以我認為出現呢d問題同佢地o既成績關係唔大,因為唔係只有考試先會有壓力,生活上各樣野都會有壓力,如果佢地對生活o既態度無改變,呢d事都係會改變唔到.
其實小朋友身邊o既人(包括家人,朋友,老師等等)應該灌輸一個想法比佢,考試要努力,但係唔係因為要好成績,而係要個努力o既過程,當佢地得到個成績果陣就要比佢地知道呢個成績就係現在o既佢地,等佢地對生命有存在感,但係人係會進步,佢地每次o既成績就係佢地每次o既進步,當佢地成績唔好而唔開心果陣,你可以拎返舊時o既試卷出黎然後問佢:"如果你依家做呢份卷,你o既成績你估會係點?我諗大多數都會好過以前,所以依家o既成績唔好唔緊要,下次再努力囉,因為你已經叻過以前架喇"
你會話咁樣好似幾阿Q精神喎,咁但係唔係代表佢地完全唔駛努力呀,而係要比多d思考空間佢地,當佢地有難題要盡量比佢地自己解決,之後要比佢地知道,當佢地唔努力讀書就要面對咁多問題,咁你會選擇努力讀書定要不停面對問題呢?佢地答前者當然好啦,但係佢地答後者都唔係唔好架喎,不過你要佢地真係可以自己解決問題先可以比呢個答案你,如果佢地解決唔到問題又咁答你,你就要嚴肅d咁同佢地講:"依家我比你o既難題比起社會比你o既難題易得多,你連呢d事都解決唔到點解決出面o既難題?要解決難題就要思考,唔好樣樣野都依賴人,人地比工作你係要解決問題唔係增加問題,所以自己可以解決o既問題就要自己解決!"
咁做唔係因為要佢做好多野,而係要佢知道點樣可以單獨生活,因為你唔可能一世跟住佢,佢就算得到幾好o既成績,將來都係要獨立架,如果佢唔可以自己解決各樣問題,將來有事睇唔開,依然會有輕生o既念頭,所以世界上所有o既野都要打好基礎,就算係做人都要打好基礎,唔係就好易失敗架喇.

點解默書唔合格要自殺?
兒童的心靈很脆弱,又不懂表達內心的壓力,在求助無門情况下,很易走上自殺之路,如小孩因學習壓力,說死比你睇,家長不要掉以輕心,人世間沒有比骨肉親情更为重要,人死不能復生,母親要體貼孩子,要为孩子的健康成長承担所有壓力,遮風擋雨,切忌執着要孩子有更好成績而施加壓力,父親要有智慧,最好每天有15分鐘和孩子談話和玩耎,了解孩子是否快乐,給與孩子適量零用錢和玩具,切忌打駡孩子,令孩子不快乐及痛苦至萌生死念.

是甚麼教我們的孩子們活在這壓力下?
是政府,是教育司署,是學校,是父母,人們錯誤以为將課程加深,教育水平就會提高,結果孩子追不上而失去學習興趣.

教育和社會價值觀是否出現問題?
問題很嚴重,現今教育和社會都是由上而下指令孩子要達標,催殘孩子的快乐童年,正确方向是由下而上,讓孩子像加拿大教育一樣,快乐地學習.

不良的電視和電腦資訊影響.誇張的電視節目大力宣揚生死並不重要
教育和社會價值觀方面算是OK基本上也做不了什麼
最重要係家長的溝通和唔好俾太大的壓力D少小朋友

因為現今的孩子太有前瞻性了
他們可以一早看出默書唔合格,,會引起的結果
如: 俾老師責怪
可能學習的壓力太大了