最初家姐同佢男友應承每月還幾千蚊定款比我地, 還左2,3個月後就開始有唔還情況.
由開始到依家差唔多4年喇. 只還得5,6萬. 經常都有唔同藉口話依個月還唔倒, 下個月又唔得咁樣.
但平時家姐都會叫我幫佢買衫, 其他野......(唔比錢果種), 又會自己買名牌袋同咁樣.
你係我, 你會點呀?
我依家真係好煩, 追佢又唔係, 唔追佢我覺得自己好對唔住老公.
因為借左錢比佢地, 我同老公唔多唔少都會為左依樣野出現問題.
講真我好嬲我家姐咁唔自覺, 亦後悔幫左佢.
想問大家, 我咁樣有冇錯, 以後應該點做呀?????
更新1:
b2831shirley我覺得你講得好岩, 以前我地感情好好, 依家就連電話都唔多講喇. 我覺得好比佢利用囉, 候住我老公D錢. 蝦佢好人唔出聲, 但我好有壓力. 每次收倒佢電話都唔係好事. 唔還錢期間仲成日叫我幫佢買依樣果樣.....我老公都話佢完全唔似係借緊人錢既人囉. 冇錢裹比我, 但又成日將D錢用係整假眼睫毛, 去MASSAGE, 整頭. 如果同其他屋企人講得多, 又覺得唔係太好, 都唔知搵邊個傾好, 大拿拿幾十萬, 佢唔還比我, 我都唔知點同老公交代呀.......
更新2:
BIVIAN 因為係屋企人最初借比佢地時佢地喊晒咁叫我幫佢, 咁屋今人丫嘛, 所以冇話SIGN借據(屋企人, 費事咁老土啦.....當時), 亦都信佢地會正正經經. 點知, 還2個月停一個月還一個月停2個月咁........唉, 都唔知點算
更新3:
wong睇倒你既回應, 真係想喊, 冇諗過會咁比佢利用, 我屋企係大家庭, 有好多兄弟姐妹, 我好唔甘心佢咁對我, 講真, 由細到大有好既就分比佢先. 佢冇野做時, 我出糧會比錢佢洗. 大左, 佢只會叫我送野比佢. 點解佢要咁對我?! 好唔明囉, 日日都會諗起依件事, 我會訓唔著. 為左依件事, 我阿媽成日只係叫我忍, 有時仲叫我果個月自己拎出唻先, 唔好話比老公知家姐冇還錢, 話好女兩頭暪, 但我唔明囉, 點解我要唔咁做唔得呀?! 好唔憤氣. 我同老公唔係有錢, 有既都借左比佢啦, 初時話裹幾千, 之後見佢辛苦, 就叫佢還定款一半就算, 時間就5年拉到8,9年啦.
更新4:
問心, 有邊個可以咁大方, 可以借30萬比我, 唔收利息, 每月裹100蚊?! 家姐冇諗過我地咁幫佢, 其實對我地生活都有影響?!
