想買printer !!!!!!!!!

All in one Printer，你會想要彩色定係黒白，印文件就得呢?

如果淨係想要黑白列印同Fax的功能，其實鐳射多功能機較為適合，因為傳真機好多時會有好多垃圾傳真，如果用噴墨式的話，會好容易冇晒噴，好浪費，而且鐳射打印每頁紙的平均成本平d。

不過，一部鐳射多功能機都機貴。Xerox的PE 220都係一部好機，細部又快又靚，又可以用代用碳粉，不過一般都要成$1700，而有d Brother的機都ok架，但都係要千幾蚊。

如果你用傳真功能係唔會長開部機，淨係Fax 出或者知道有Fax入的時候先開Fax功能，咁都可以用噴墨的4合一機，係彩色的。

如果講平，你可以留意下Borther的機(一般大型電器店都有)，有d舊小小型號的機，聽過好似6百幾蚊都有，而且買墨又平(代用一套都係100到)，print多幾次都唔怕。但係有個問題，就係怕佢耐冇用，就會塞墨頭，或者換多幾次墨都已經要換機咁。

如果想耐用d，就當然係用HP 的4 in 1機，雖然佢的墨係貴d，但係因為技術關係，佢真係好耐用架。

有部HP Officejet 5610都幾好，有齊打印掃瞄影印傳真等等功能，用的係HP 56黑色墨，一盒可以印約450張A4張，一盒原廠墨約$165，即係每張$0.37，代用的就一盒$105，每張$0.23。見過網上賣$988，免費送貨。你search 下「 Officejet 5610」就見到。