問女仔! 你一星期會見男朋幾多次?

我而家一星期最多都係見兩日，因男朋友要番工

啱啱拍拖o個陣就會日日見，因為之前我份工係通宵班黎架，所以o個陣就算一日見得o個一個鐘都要見一見，但係而家唔得囉，不過唔關感情轉淡問題，我地感情好好，係佢新年前要開好多晚ot姐><，就算見得少都會日日講電話，雖然都係o的冇內容o既電話，但係我都會同佢講今日番工辛苦你啦等等去維持感情，又會諗定兩個人見面o既時候去邊做o的咩，等我地兩個都可以期待下，到到見o個日就會好開心架啦，一來唔係成日見，二來大家都好興奮咁去做諗住做o既野(例如去下camp，去水族商場等等)，所以每次見都會好開心同埋唔會覺得陌生。

如果你感覺到同你bf太陌生o既話，不如你試下好似我咁多o的講電話，有時男人都需要tum，又或者準備定o的驚喜，一見到佢就送比你bf，咁樣感覺咪唔會咁陌生之餘仲會好sweet添﹗

我覺得一個星期見一次都OK架啦
因為你日日見...有D情侶都會好易嗌交
因為有好多情侶都吾系同一間學校架MA..所以一定吾可以日日見架啦
如果你地真係好愛對方既話...一個星期見一次吾會好陌生
仲會更加去珍惜呢一段時間

我都係一個星期見兩至三次度咋，都覺得唔夠，不過佢曾經講過見得多，可能會悶，而我又唔係成日可以ＫＥＥＰ到自己可以對住佢好開心既人，間中都要俾自己一個人去諗下野，或者見下Ｄ　ＦＤ咁，所以咁樣已經ＯＫ．
平時唯有每日傾電話去維繫，間中都會有ＤＥＡＤ　ＡＩＲ，但盡可能唔俾時間ＫＥＥＰ得太耐，都係講下平時自己遇到既事話佢聽，咁耐左佢自己都會將自己身邊發生既事話我知．但如果真係無野講的話就最好收線，其實女仔嘗試去收線係最好，因為個男仔會珍惜多Ｄ，之後就會主動去打番俾你架啦．又或者想到佢既時侯，或者有野講就即刻打俾佢，之後隔番一段時間唔搵佢，佢都會自動搵番我架．
希望幫到你．

我覺得
女仔永遠鍾意成日見到個男友
就算大家排排坐唔講嘢
個女仔都覺得好舒服
只要個男仔偶爾講d嘢氹個女仔開心
個女仔就會好開心
我以前日日都見到男友
到而家一個星期見四五次左右
都覺得唔夠~因為，見到面同電話裡面傾計~大家有冇眼神接觸係好大分別

有幾何聽到女仔話唔洗成日見男友ar.
女仔係依賴性動物
永遠都想男友喺身邊保護~.~

日日見~
唔陌生

我都係一次

平常都只係通電話

陌生的感覺偶爾會有.......

但好彩見到面時不會感覺陌生

我天天跟他見面
偶爾沒空 就沒見面

我相信呢樣野都要睇返你ge年齡同埋工作之類....
大家係同學, 咪日日見到囉~
大家工作忙, 咪可以一星期一次~

我就2-3日會見一次啦~

如果你感覺陌生既話....要檢討下啦, 正常男女朋友唔應該陌生先係架