急問唔想d魚魚死晒

1.) 你個魚缸即使有10 吋深 (15" X 11.5" X 10") 都係只得25公升水, 唔應該養咁多魚, 空間不足, 缺氧, 撞菌, 水不清潔(太多排泄物); 都會做成魚隻大量死亡.
魚缸養魚密度 (大約) 應以每一吋長之魚兒約一公升水 (長度亦應以成魚長度計算.) 即是說閣下魚缸可以養 5條約 5吋大的魚魚 (成長完成計.) 或8條3吋長的成魚. 但現在......

間唔中會加少少廁所水下去
2.) 唔知邊個朋友咁大整蠱, 廁所水係最污糟水源之. 應敬而遠之. 消毒應用水族專用之藥水, 要便宜的可用粗鹽, 不可用幼鹽或加工鹽.

而家應該係咪買濾水果d野?
3.)可買一套之頂濾或小型濾桶, 流量應為魚缸水之7至10倍, 即約250-300公升/每小時.

可跟我d魚同蝦一起嗎?
4.) 小魚冇問題, 大魚會食蝦, 且金魚不宜與其他魚混養.

我去金魚街見魚靚同得意便便地就買!養得少又悶屋企多D魚自己都精神D!又第一日到而家死左80條魚仔蝦仔有多....幫幫我十萬個THANKS!!!!我要學養魚!
5.) 養寵物應量力而為, 話哂都係一條生命, 不可輕視. 養魚, 加魚都好, 只適宜逐次增加, 否則魚缸本身生態環境負荷不來, 就會令魚兒死傷, 自己又難過. 失去養寵物的意義.

2008-01-17 20:17:02 補充：
6.) 除濾水器外, 暖管, 氣泵等亦是必需品, 另除了孔雀魚, 燈魚......等小型魚隻外, 其他魚類實不宜加插富貴竹等植物.

基本o既設備一定要架!
濾水器, 氣泵, 暖管, 燈等!
消毒唔係落廁所水, 幼鹽, 要落粗鹽,
金魚儘量唔好同其他魚種養埋一齊,
就算細過佢地好多都唔得,
因為佢地游得好慢, 肚又大,
係所有魚種襲擊o既好對象,
一係爆肚死, 一係盲眼收場!

整好過濾系統, 放D生物環落濾水器度,
每星期換二分一至三分一水,
金魚18-24度都得,
但大部份魚咁凍都會呆呆滯滯,
所以需要暖管keep住24-28度左右,

如果D魚有病, 落粗鹽, 落葯水,
溫度keep住30-32度左右,
停食兩三日, D魚唔會餓死o既,
保持住好o既水質,
好快會好,

快D買齊D野啦!

卽時攞起 D 富貴竹先啦，然後再換1/3水，咁就應該停止魚的死亡嘞，另外用個盆裝一盆水，等 D 水過多24小時再換1/3水，以後每星期換一半水，另外一定要裝濾水器，唔識就問吓魚檔 D 人點裝啦！