2866中海集運

係呀咁你而家明點解唔好高追啦
因為一炒到過哂火追入去, 就好難/好耐先升得返
而家市況唔好跌十幾個 percent 好正常
但你話要升返去 $9 就要升機乎三倍先上到

我就覺得你溝下貨
等個市定啲你先好買入
唔好趁低撈低
唔係又變埋蟹貨

同意樓上 firestoneptu o既講法 ! 我都係災難者之一,(請投 firestoneptu 一票,佢真係冇講錯)

我都有貨, 都應同樓上人兄說firestoneptu, 你沽了是不是不會買其他呢?
其實現在的市唔明朗, 再跌夠了穩定了再沽. 因我都是等緊個市反彈些再沽出.
除非你有心水要換碼, 或等錢使. 不沽不可.
不過只是個人的意見,

到左呢個地步, 你絕對唔應該止蝕, 因為實在太入肉喇! 假如你賣晒佢, 你可唔可以keep住d錢, 對個市靜觀其變先? 我驚你到時攞番d錢後, 見其他d股票個價好似好吸引, 好似好低咁, 之後心郁郁又買左一隻見低未算低既股票, 到時你真係雙重損失喇! 因為, 依家個股市實在太難玩喇, 不但要睇該公司前景發展, 又要顧及外圍因素影響, 例如美國股市, 波羅的海股市, 油價, 出口總額, 大戶增/減持有消息............等等, 所以現時最好一動不如一靜, 等外圍走勢穩定等2866反彈後, 再考慮是否賣出都未遲啦!

其實2866絕對係唔差既股票, 我有以下既論點去支持我既講法:-

1) 歐盟在07年底取消對華紡織品配額, 有助出口航運業;

2) 中海集運向母公司中海集團收購東北營口港集裝箱碼頭合營的40%權益, 是首項涉足上游碼頭的業務, 經營營口港兩個集裝箱泊位，涉及每年總吞吐能力100萬個標準箱，新建的兩個泊位剛於去年12月底投入營運，中海集運由2008年起開始租賃。(無疑增加收入來源, 拭目等待08年首季業績公佈);

3) A/H股溢價超出200%;

4) 有傳中海集運加入恒生成份股;

5) 近日油價有偏軟跡象(可能受到日圓升勢影響);

6) RSI數值已低於30;

總結, 中海集運近日既跌幅主要係受到大市所累, 今日連中國外運(598), 中海發展股份(1138), 及中國遠洋(1919)全部都跌10-13%啦, 試問中海集運點能夠獨善其身呢?

無論點都好, 即使你堅持真係要賣晒隻中海集運, 在呢個市況亦都唔算係一個錯既決定, 不過你一定要堅守你既金錢, 唔好亂買一d唔熟悉既股票喇, 等個市好番d先再玩過啦!

祝大家好運!

保持信心啦,最多留番俾個女