想問防漏其實點做嫁

一般洗手間做防水，最經常使用的會係一種《行內稱為牛奶水》的防水劑，正名為英泥寶，內裡成份簡單解譯為《膠水》，普片使用係因價錢平，一升約2、30元左右，1加侖亦係8、90元倒，其實牛奶水係絕對有防水工用的，但為何仍有滲漏情況出現呢，原因在於施工者身上，一般泥水師父都大喜歡使用任何防水添加濟，加進批盪後由於唔再吸收水份，在舖砌瓷磚時水泥會向下墜，俗稱唔收水，令磚面難以控制水平面，整幅牆身完工後邊與邊之間便有平感覺出現，呢D唔夠斤兩而又付責任既師父，便以應付式來面對問題，在加添時只加小量，所以便在短時期内出現洗手間周邊外牆受潮的各種問題。
浴池施工方式亦係非常重要，在確保來去水絕無問題後，好多師父都犯上一個極大錯誤，就係把大量泥頭垃圾堆填於池底，在用乾英泥砂舖面再加磚便完工，以呢種方式施工係最常見既亦係滲漏的最主要原因。
真正能夠防水防潮方法；
首先牆身必須以英泥開水再加以英泥寶攪拌，太濃也浠，以式合用油掃塗於牆身為佳，呢個動作主要作用係把付於牆身的灰塵被英泥水混和後能夠牢固地沾付於牆上，再批盪時英泥砂便能直接沾付牆身，乾後能起到混為一體既功效。
批盪之英泥砂亦要多份量的加進阿防水劑，以增加粘度及防水功能，批盪乾固後再以英泥加防水劑重份量開水油一至兩片，作用係把批盪的砂與砂之間之空檔被英泥水填滿，由其牆身下部位置更要加重份量，而瓷磚只係作為裝飾表面，防水功用便以要啦。
浴池製作必須以百份百重英泥砂、英泥寶以濕漿形式灌滿至去水口為佳，注意；必須跟師父講清楚《瓷磚永遠係裝飾品，並無防水功用，水能從磚間滲入底層，所以英泥砂應倒至去水口才能確保唔會有養水現象出現，乾固後用任何方式舖砌瓷磚以都太重要啦。

做任何泥水工程，施工時必須以英泥水以刷或油方式將整個底部刷偏，呢個作用能把地台石屎間之空檔填塞而起到防水功用的，油多一兩次效果會更隹的。
舖設地台亦有多種方法，下面係其中之兩種方式；
以乾砂混合小量英泥，曬英泥水於地台後把砂整體盪平並加以拍實，在砂面整體加上乾英泥粉輕力盪平，曬清水令英泥軟化後再放瓷磚上面拍平，舖完瓷磚後洗淨黑英泥，後再開小量白英泥掃填蓬便完工。
這樣製法好處係容易控制水平面，比較乾淨，起貨快，一人能於一日內做起4、5佰呎地台，懷處在於乾砂底，收水較快，施工時如來回行走便容易鬆脫，日子耐整體亦容易離底。

以濕漿盪平，次日以搽牛油方式把水泥續件粘上。
呢種方法最穩妥，但人工及及材料便貴得多。
平與唔平，就好睇師父手功及心態，假如做好後有唔平，是否再做過呢？磚是你買的，可能會在數千至萬元，你有冇可能再承受呢，承包師父又能否承担再清拆後重舖買料及人工之費用呢。
你應列表以上運作要求，地台及牆身手功問題，以先小人方寫得一清二楚，免卻曰後爭議性問題出現。
有偷工減料？ 你在現場怎能分辦，基本上唔會既！英泥砂呢D都係平野尼，反而手功便要寫出你既要求，例如扣錢之類並清楚簽名作實為証。
做好地台後師父都有平水呎，叫佢放於地台上比你睇，平水呎之水珠走在中央便為之平啦，呢点亦須在列表中表明你須嚴格收貨，好樣他們不嚴謹辦事既後果。
而掃英泥水及防水劑於牆身及地台呢個工序控制係重要而必須的，現時好多師父都求什解，什至冇做呢個程式而道至日後滲漏程型，最常見為窗框牆身上。
《好多時你會見到一D新落成既大廈，可在短短數年間，便有外牆批盪脫落現象出現，原因就係冇油英泥水之過，大廈在建築時會有大量砂灰塵付於表面，未經處理便批盪於石屎牆上.....〔注意〕；批盪只係沾付於灰塵上而唔係付於石屎面的，數月內經曰曬水份收干便分離，時間一長便會有龜裂脫落現象出現》。

2008-01-17 00:37:11 補充：
可要求做好批盪及防水後，別做瓷磚代你考查驗收，通常做好防水乾後，倒水其表面，水會停留於表面歷久而不被吸收的，便表示防水功能起到作用啦。

2008-01-17 00:47:56 補充：
為何這麽久才有人答你，好現實既問題，只因你用錯字眼，講明你《就尼裝修》，即以找咗人做，所以D人都費事哂時間答你，但如你打上《想找人做》，結果相信會一面倒囉。你話現實唔現實呢？