沙田第一城會唔會太舊

本人都係住一城．但即將搬走喇．因真係幾舊．一城共有５２座，頭３２座舊 D. 若２６年．其他座數約２３年．３２座之前既大堂翻新晒 ka lak. 企淨係個大堂翻新冇用 ka ma. 上到樓 D 走廊一陣味．最衰係，成日停水．尤其係廁所水！！細單位方面，一定要買冇台３９５個隻．否則好唔見使．３９５呢隻市場較少盤．佢實用有成８成幾．約３１２呎．我睇左好多單位 ka la, 而且租左個道幾年；對區內好熟悉 ka la. 現時因想結婚，故想買樓 lor. 最後都係唔買呢道喇．太舊．供２０年，咪變左４６年樓？？仲慘過深水埗 D 唐樓 lor.　　

冇錯，如果買細單位，一定要買冇台３９５個隻，另外 ３９５　同　４１０有台既地方唔好駛，特別係 ３９５個隻，個廳好長，個廚房又長又窄，而且實用率只有 ７５%　而冇台既有８３％。

細單位冇台同中單位/大單位既大堂已經全部維修晒，大堂已經 "番" 新，餘下既 ３９５　同　４１０　有台單位也將會 "番"新，維修費一般都會加在管理費上，暫時未知道幾多錢。至於水喉已於早幾年維修完，業主已經付了維修費。

按揭方面最多可以做到 30年，但你買之前再跟銀行問一問，我幾個月前問都可以做到 30年，應該唔會改得咁快...掛

講返 ３９５冇台個單位，你可以考慮把洗手間改由廚房入，咁樣係好實用，不過唔可都可以係廳放到餐桌及梳化，但有台既單位就真係好難，除非你拆左其中一間房吧。

仲有一樣要留意，唔同既單位既價錢相差好大的，例如 (前排) for example Block 37 , Flat G , 跟 Block 42 Flat H 既價錢一定有最少 5萬元的差別，市況唔好也可能相差 10萬。因 block 37 flat G 係望內園景，清靜，景觀開揚。而 block 42 flat H 個廳係望巴士總站，相對好嘈。

如果你唔怕嘈，想要開揚景，不妨睇下 Block 1, 2, 3, 對河景單位及 Block 26 既 G 單位吧。這些單位大多以用家為主，故此相對放盤也少。特別要提你一樣野，市面上有好多係炒家為左可以高價賣出單位，佢地用 "炒家化妝" 個單位，你以為係全新裝修，事實係好 "是但"。既然買一個單位係自用，就一定要好小心去選擇。

2008-01-16 17:03:51 補充：
仲有，冇台既細單位 (395') 比有台既貴的 (395'/410')唔知你睇中咩單位。

我之前係第一城住過, 都唔算太舊, 不過你買大單位定細單位先, 佢有一隻細單位約395 - 410尺左右, 個款就勸你唔好啦, 因兩間房都有兩個好大既窗台, 地方唔太見駛.....
(我唔知大單位有冇, 因我之前住就細單位)