我很矛盾,請各給我一些寶貴意見

離婚之後.你會點.一個人生活?識過另一個?
你都三十幾,搵唔搵到另一個將來陪你到老?
就算比你搵到,咁大年齡多數都係搵到d離婚男仕,同你而家既老公,又有乜分別?
你d仔女都咁大,開始拍拖,遲d又要結婚,會唔會做成仔女既壓力(擔心你一個人唔知點)
當係真係又捱到二十年單身生活.六十歲之後又點?病痛多又點?

我相信你都考慮過以上既問題..........

如果真係改過,即管比次機會佢.........並唔係縱容佢~而家佢欠你一份情責.
同床都會異夢,你覺得幻想同事實,究竟係唔係一樣都係背信棄義.
每個人經常都會做錯事,事後得人原諒,多數都好感恩.以後聽聽話話
如果真係原諒,過左去就唔好再提舊事,因為會更加傷害大家.男人將來走得更決絕.
而家比機會佢將功補過.千萬唔好秋後算帳.你要令佢呢世都係欠你.
一定要比仔女知道件事,又要比佢地知你原諒左佢.將來有乜事多對仔女幫手鬧佢.
你既仔女大個,又明白事理,佢地將來會更加孝順你,..到時唔駛擔心年老問題.
你同佢離婚,佢更加明白張膽.即係放虎歸山,益左佢.
隻二奶可能知道早前大陸單新聞,比大婆告老公包二奶,公安拉左佢老公坐牢.
所以驚死,走左返鄉下.

你可以再寫下仲有乜野漏左.計計佢,邊樣對自己多d益處.
而家係生命既投資.你就係本錢.你大把本錢.仲有仔女做後盾.
個腦係就係亂d,所以就要計下數,冷靜分析,再下注.

願主祝福你^_^

看了您的問題,您的確很矛盾,但我覺得您仍然愛您的老公,只是他不能像以往一樣,加上您有陰影,所以兩人始終未能完全投入,我個人認為,倘若您經濟許可,可考慮2人暫時分開居住,讓這時間2人有空間去想下及冷靜,我知道有這婚姻組織可以幫助您,您或許嘗試下,我之前有位弟兄是做有關婚姻輔導,如果您想要這方面資料,可EMIAL俾我,願主為您引領及保守您們的關係!

我們結婚廿年,兒女已16歲,我在今年6月發現丈夫在大陸包二奶,他們一起已經有5年,我亦有4年沒和他做愛,當初我覺得他是因為工作壓力大才沒興趣,他一個月才回香港一次,每次只留3天,但就每個月都給足我家用,當我發現他包二奶後,我也和二奶直接講過一次電話,二奶說已經等了他四年,最終他都不肯離婚,已決定離開他.當天,二奶就將所有電話停機,因為我不相信,我就跟了他回大陸看個究竟,在他住的地方,真的完全沒有二奶的東西,而且他表現得很不開心,說二奶已經走了,還說他自己已經變了心,這幾年大家和離婚沒有分別,還說我們私底下離婚,再重新開始,我當然立即反對,我逗留了兩天便返回香港,我知道他曾嘗試找過二奶,應該找不到,後來日子一天一天過去,他終於醒悟,就對我說,他還很愛我和這個家,要重新開始,但我的情緒很不穩定,一想到他這幾年對我的行為和不忠,我就會不斷重提他這幾年的事情,每次都鬧過不停,我也曾想過好好地開始,但他的不忠就每天都出現在我的腦海,他說以前的事情已經過去,以後只會努力搵錢和愛護我們,以前是做錯了,但他不在我身邊,我又怎能相信他呢,我不想再被他欺騙,但我又不想離婚,我究竟怎麼辦呢? 多謝閣位給予我的寶貴意見,我其實都已經做到最好了,他回香港的3天,我每天都親自下廚,又陪他去看戲,對他的態度亦很好,晚上還主動找他親熱,奈何他對我沒什麼反應,只是草草了事,更不喜歡我親他的嘴,(以前是有的)所以令我更心心不忿,但..是他主動要回來的,奈何他的表現郤告訴我,他心裏好像還有二奶,事情都過了7個月,他口口聲聲說,以前的事已經過去,不要再提,但他的表現郤告訴我,是他放不下二奶,我又應該怎樣去對待他呢? ( 離婚, you must 離婚, do not give him a chance )

我都想係度比D意見你(以男方角度), 我老婆D情況同你差唔多, 但我不是包二奶個種. 主要係講下D感受.
既然事情巳經過去咗, 你地應該都有傾過, 如果你仍想維繫大家及家庭. 就最好將以前D野忘記佢, 不要經常為小事就拿出來講. 以男人來講係唔多鍾意有事就拿番舊事出嚟講及作比較, 只會增加佢嘅反感, 因而又會經常吵架. 如惡化下去到老公忍受不住, 最終有可能又離婚收場. 因你比佢覺得之前對你所講嘅野你都唔相信, 再相處下去都無意思.

可能你唔太清楚男人之生理需要, 有時需要起上嚟係好難忍, 何況他經常在內地. 他包二奶看似如此, 男人天生好色, 況且內地之女子又好有本事, 真係好難頂. 相反, 如女方也有此情況, 那會又如何, 可能故事角色互換吧. 看他仍有照顧家庭, 相信仍對你及子女有感情. 不妨比次機會大家, 否則你早應跟他離婚. 相信您年紀都不少, 你可想想如離婚後你又如何, 自己一個生活是否會開心D, 現在主要在你自己有心結放唔低. 比D時間試下放低佢, 對你老公好D (滿足下佢) 始終要承認係唔夠後生女爭(美色), 但你所建立之感情是她們無可比的. 好好想想, 希望你可以做到, 我都望我個邊都做到.

朋友, 我認為你應該先問問自己, 到底你愛唔愛你丈夫先再去諗離婚與否既問。
有時侯煩腦皆因強出頭, 你被呢個問題困擾係因為你不忿你丈夫曾對妳不忠,
但為何當初第一時候知道妳丈夫有外遇時唔去選擇離婚, 呢個時候佢對你坦白時
先選擇離婚? 其實當初你已經選擇左, 又何妨比多一次機會佢呢? 但只此一次!
切勿因為心心不忿!

兩個人能經過新相識, 做朋友, 成為愛侶, 再繼而鼓起勇氣結為夫婦, 係一件非常難
既事情, 既有緣有份, 又何苦執著於一時? 再者你家裡有小朋友對嗎?
小孩既心靈成長早早於出生時已掌握左向妳手, 這一次的機會不單是因為妳丈夫,
因為妳既小朋友, 更應該比多一次機會呢個家。要是妳真係面對唔到丈夫,
可以選擇性暫時不與他有親密的關係和舉動, 將精神放在其他事上, 例如照顧小朋友或
放於工作和興趣上, 給自己多一點時間, 問題並不急於一時解決對嗎? 而不忿既感覺
會因為時間慢慢洗擦掉, 而時間也可以證明你丈夫是否改過並兌現承諾,
到那個時候妳先可以冷靜去看清楚整件事, 到時再決定都不遲!

每個人都要為自己做了的事負責任, 妳丈夫既然包了二奶, 他自當不應奢想妳會一時
原諒他; 但妳也一樣, 既然選擇了結婚, 選擇了生小朋友, 甚至妳自己都已經說了
不想離婚, 就勇敢為自己的選擇負上責任, 既然選了就甚麼都別想, 即管看看有
甚麼事發生吧! 畏首畏尾最終只會令事情更差, 努力! 妳一定會有出路!

2008-01-16 11:58:58 補充：
各位網友, 教人打仔, 好過教人分妻, 同埋樓主我勸你唔好用一個計算和報服的心態去處理事情, 慢慢細想, 敏於思, 慎於行。

有時感情嘅事並非可以控制倒。如果你信玄學的話更應知，緣份是擋不住的。
不過，既然事已過去，妳需要做嘅嘢有三樣:
第一、自我檢討一吓到底是否有不足之處，有冇忽略關心等。因為結婚都已十幾年，都要維繫吓感情的。
第二、是到底他本性花心，還是主要是這二奶的問題? 他似乎很喜歡這二奶。如果只是這二奶的話，其他的未必可以吸引他。
第三、是如果你决定不離婚的話，往後你們怎樣相處才可令感情更好?
他其實已算不太差，因二奶已等了四年他也沒離婚。很多已經放棄了家庭。
希望幫倒妳

我想請問他可以回港工作嗎而不用在國內? 如從新開始,你可否做到不題往事而認真再重新開始.人人都會做錯,只是你能否原諒給大家一個機會?離婚真的最好辦法?

先要問你自己，你還愛他嗎？

愛的話，要問自己有多愛他？

若想彌補婚姻的錯失，有時單靠自己的力量是不行的，

因為很容易會被自己的情緒所影響，

我建議你可以去找社會福利署或婚姻輔導署，

他們給予你的幫助，更勝我們千百句意見。

離婚la!!!!!!!!!!!!!!1

I think you can 離婚,Don't 重新開始.