今年奧運年為什麼香港股市恒生指數近日多次下跌

根據歷史，主辦國股市會普遍在奧運年內向好，我覺得主要係因為國家要投放資源去搞基建，搞配套，搞好經濟去面向國際，而且投資者情緒都會受歡樂氣氛所帶動，但這並非必然。

近日股市主要由外圍因素及國家政策所影響，而因為股市行先過經濟，所以股票市場係反映投資者對未來前景既睇法。美國受次按既連鎖反應影響，以至對金融業及房地產做成負面影響。大眾預期企業盈利有負增長，投資銀行因持有次按資產而要大額write off，咁樣大眾預期經濟會步入衰退，令成個投資情緒都好低落。我相信負面消息會陸續有來，因為企業都未公告全年業績，第一季度派成績表就會一清二楚。

本以為香港有強勁既祖國做保護，但中央要控制過熱既經濟，不得不進行調控，數據顯示CPI 去到 5%，由以糧食及石油價格升得好厲害，咁影響民生既貨品一定要控制佢既價格。所以唔同既政策分分出台，而早前中央話08 年要決心打擊通脹，將GDP 增長及CPI 維持係8% 及4% 左右，所以大眾會預期政策會陸續出台，影響企業盈利。所以奧運年唔係無敵，都要睇返宏觀經濟同外圍經濟既變化。

我覺得如果要炒奧運慨念股，宜家已經太遲，奧運不是宜家才知道，要炒早係上年已經炒作。我覺得宜家先黎入市，上升水位已不多及下跌風險較高，我覺得此中都要睇返企業本身既長期盈利增長表現及奧運後既前景以作出投資決定。

我冧今年都唔會點升,因太多不利消息

8月先奧運
放長線慢慢等

唔跌返咁上下點會升到爆，看準時機！一定發達

今年只係過左兩個星期
仲有大把機會