我之前入咗十几萬貨,依加剩返一半渣

想番起97年股災既時候, 我每日返工都以為去左一號靈堂, 全場鴉雀無聲, 每個人都目無表情, 面上笑容絕對欠奉! 我仲記得當年我買果隻首長科技(521)@$2, 最後要@$0.4離場, 所以我絕對明白你依家既心情!

喺呢三日既股市, 我手上七隻股票既累積跌幅, 每隻最少跌超過10%, 其中兩隻將近20%, 仲有一隻更跌超過30%! 不過, 我既心情絕對唔灰, 因為經過呢十年嘅寒暑, 在股場上見到起起跌跌嘅景象實在太多, 我嘅心態亦漸變得豁達, "本來無一物, 何處惹塵埃" / "萬般帶不走"! 千其唔好因為一時嘅逆境, 而令到身心受損!

我最近越來越喜歡呢個"新知識+"平台, 除左學多左有關股票嘅知識外, 我哋d蟹民亦都互相扶持, 互相安慰, 真係幾咁人間有情呢!

你依家最好將所有股票放喺床下底, 當過左個熊市之後先攞番出嚟, 可能到時會有意外驚喜呢? 因為我估你依家所蝕嘅都只係帳面數啫! 若果你真係等錢洗嘅話, 你咪放住蝕得比較少同埋公司前景比較差嗰d股票先囉, 若果放左嘅股票其後繼續跌嘅話, 你咪當已經賺咗去安慰自己囉!

總言之, 希望在明天, 話唔定有一日我同你都會再次喺度, 一齊請教其他專家我哋個投資組合嘅止賺位係點呢?! 震作d啦!! ^-^

互勉之!

只要現在還在股海中浮沉的, 誰手上沒有些蟹貨呢, 平常心吧, 我們情況不會比你好很多.

個市定咗，低位再溝貨

我同你情況差唔多，我選擇等一排，個市定咗，低位再溝貨