太陽能 Prius 一問

✔ 最佳答案

以下係本人個人嘅意見, 大家交流交流

你提供呢個網址嘅產品並非係一個成架車咁賣嘅產品, 而只係車主自己買同安裝. 喺美國並唔普遍. 而且改裝後就會冇咗原廠嘅8年100,000英里混能系統保養. 你覺得會有幾多人會冒呢個險呢?
太陽能汽車喺美國已經冇人再討論, 因為本身嘅效率真係唔高. 本人喺美國讀中學時學校都有Solar Car team, 靠太陽能得到嘅電力去推架車根本就唔化算. 而家喺美國研究嘅係點樣將hybrid系統用更輕同儲電量更高嘅電池
政府話支持環保, 但唔代表政府要做埋汽車銷售商. 引唔引人應該係商人嘅商業決定
環保署所講嘅數據其實有幾可信呢? 講主要來源, 點及得上珠三角工業所產生嘅廢氣南飄咁厲害啊. 不過上面阿公地頭, 唔會講咁大聲啫
香港地嘅陽光同美國當時發展太陽能電車嘅地方嘅分別差距太大, 令太陽能版無用武之地. 而且香港停車場都係有蓋同地下嘅多, 又點可以用太陽能儲電呢?
太陽能車已經冇發展餘地. 而家除hybrid外, 外國正積極發展嘅alternate fuel有E85 (85% Ethanol, 15% gasoline), hydrogen, biofuel等

回答 (1)