1893中材早前$8.5入,是否要放着它呢?

睇到今日1893收市價$8.75，我都估到必定有好多網友會開始驚慌，亦會有啲之前唱淡1893嘅人會出嚟大發偉論，其實當初你買之前諗住長線投資又何須介意短線嘅波動呢？試問一隻上市只係十幾個交易日嘅股票，累績升幅超過一倍，踏入回吐同整固期，有咩值得大驚小怪呢？掉番轉如果每日升一蚊，你仲更加驚！以數據睇中國建材 (3323)市盈率190倍，你就知道點解話你知1893仲有好大嘅潛在升幅，再加上1893有母公司注資嘅概念，根本唔需要担心盈利支持唔到股價上升，至於有啲無知嘅人話1893無機會升到$20，我反而想問下有無人估到3323喺06年3月23日上市後一年多啲會升到$30呢？亦會唔會估到914安徽海螺水泥會喺一年之間由$25升到$66呢？總之記住1893係行業龍頭，國內而家禁止囤績土地，好多大嘅發展商因怕罰款，將會加速發展土地，試問無咗水泥同水泥装備，又點可以起樓呢？優質股係無需定止蝕，如果真係等$用，可沽部份吐現，但可保留一半，因為你入貨價都唔算高！近排市況差到無倫，相信會有一星期左右嘅整固！

你已比好多$11樓上接貨的人幸運了，雖然係咁講，但$8.5都算係高位，因為呢隻股係$4.5，PE約30幾倍上市，你個價已經係升了接近1倍PE約60倍，絕對唔平！
現價$8.75，既然在高位跌落黎無進行止賺，而現價仍有薄利，我的建議是，若重貨在手，可先減磅，無謂由嬴變輸，個人是看好此股的，不過急升惹來急跌，就算佢前景幾好，都唔值90幾倍PE(>$11)。
若唔係好多貨，而又唔拍捱價，咁我又認為你可以暫時持盈保泰，最緊要自己覺得舒服。
本人另有其他有關中材1893的回答可作參考︰
http://hk.knowledge.yahoo.com/question/?qid=7008011500916
http://hk.knowledge.yahoo.com/question/?qid=7008011400743

妳這個好價買入怕什麼~~~

你點知嫁?=0=,我都有lee隻野,我11過幾入,唔知重可唔可以唔放或放???

死都繼續持有它,08年底 $20