我想問中材同中鐡兩隻股票點睇

以近排嘅市況，390要短時間升番上$12會有難度，但係如果持有一至兩個月，就絕對無問題，因為中鐵會陸續收購好多鐵路項目，而且三月左右會有中鐵建上市，到時必抄影子股嘅中鐵，三個月目標價$13，受惠國內十一、五基建股必受惠，一年目標價可達$20！
睇到今日1893收市價$8.75，我都估到必定有好多網友會開始驚慌，亦會有啲之前唱淡1893嘅人會出嚟大發偉論，其實當初你買之前諗住長線投資又何須介意短線嘅波動呢？試問一隻上市只係十幾個交易日嘅股票，累績升幅超過一倍，踏入回吐同整固期，有咩值得大驚小怪呢？掉番轉如果每日升一蚊，你仲更加驚！以數據睇中國建材 (3323)市盈率190倍，你就知道點解話你知1893仲有好大嘅潛在升幅，再加上1893有母公司注資嘅概念，根本唔需要担心盈利支持唔到股價上升，至於有啲無知嘅人話1893無機會升到$20，我反而想問下有無人估到3323喺06年3月23日上市後一年多啲會升到$30呢？亦會唔會估到914安徽海螺水泥會喺一年之間由$25升到$66呢？總之記住1893係行業龍頭，國內而家禁止囤績土地，好多大嘅發展商因怕罰款，將會加速發展土地，試問無咗水泥同水泥装備，又點可以起樓呢？優質股係無需定止蝕，如果真係等$用，可沽部份吐現，但可保留一半，因近排市況差到無倫，相信會有一星期左右嘅整固！

我重都好似你咁,11過幾入嫁,現家都唔知點算,唉,好煩囉,=0=

兩隻都偏貴, 祝好運!

市況不穩
記得訂止蝕價(短炒)
(因太多人過了止蝕價,之後問點做)
長線用平均購入法
小小意見
Good Luck