胎兒不生長

我個case同妳一樣，都是10週內發現胎兒不生長／停止心跳，醫生都說父母一切正常, 胎兒自己停止生長原因系不明, 系沒有預防方法的．完全系真的．無任何檢查可找出原因，為一方法就系要攪好自己身體．

我比妳仲多一次，卒之在第四次成功咗！生咗一對孖女！有的時候都好大壓力同好驚，因為之前已小產過三次，醫生話可以叫慣性小產，所以我係好小心，唔敢亂食嘢同多休息，（生的時候仲係高齡產婦，所以都好擔心兩個Ｂ有無問題），因為醫生說過高齡產婦陀住唐氏綜合同基因問題都有好大機會，所以陀的時候，每一個檢查都要check得好緊，唔想個Ｂ有乜事．不過陀到六個月左右，又話我同ＢＢ出現問題，所以在二十八週開刀取出，出世時只有一磅同兩磅嘅ＢＢ，依家已經三歲了．其實如果妳再想有ＢＢ的話，都好似我一樣，每件事都要小心，食多啲有營養的東西，保養好自己的身體，唔好操勞．祝妳早日成功，生活愉快！

我有咗的時候，好多菜都唔敢食，只食菜心，油蜜菜(中醫講)，西生菜小許．可以飲鮮奶同孕婦奶粉都可以補充營養或者鮮奶燕窩／燕窩燉雞／花膠燉雞．豬都得(好有營養)．

所以平時應盡量減少飲凍嘢！食多啲有膠質／滋陰嘅食物，如：花膠，燕窩，冬虫草或雪蛤膏．多食花膠都無妨，因有滋陰同有黏性作用的，都有一定的輔助子宮嘅功能！

涼嘢如瓜類菜類（所有瓜類，白菜，小塘菜，紹菜，娃娃菜都熟偏涼），未有ＢＢ前都盡量小食或唔好食咁多．

以下有小小資料可給妳作參考：（未有時／有的時候，西醫婦產科醫生亦講過，以下東西都會影響懷孕，所以我有的時候，都好小心食嘢）．

忌服：木瓜，苦瓜，黃瓜（即青瓜），節瓜等．
忌飲的東西：含咖啡因飲料，如中國茶，奶茶，檸檬茶，唂咕及可樂等．
每週吃海鮮不可多過四餐，如魚，干瑤柱，帶子，象拔蚌及蠔市等．
以上的食物都對胎兒有一定的影響，盡量忍口吧！不可不信！
木瓜真的很厲害，我試過小產之後無做任何手術，只吃木瓜都可以落掉個胎

2008-01-16 15:34:52 補充：
妳唔好咁惗，都唔系妳嘅錯，系個ＢＢ唔跟妳（嗰時我都好似妳咁惗，點解有咗變咗無，跟住屋企人同我講，系妳就會永遠都系妳，如果個胎有問題的話，出咗世仲麻煩），所以唔好怪自己，又唔好話對老公唔住（妳都唔想），其實太過緊張都會影響胎兒成長，要放鬆心情去迎接下一次的來臨吧！唔好再記啲唔開心嘅嘢．

2008-01-17 16:13:48 補充：
之後都有搵醫生follow up，醫生幫我做咗幾樣檢查（包括驗血）． 頭兩次小產做咗三次手術，而第三睇咗一個婦產科醫生，佢淨系比咗啲藥我同時叫我食埋木瓜，起初我都唔信，食第一個療程時無反應，只系好似嚟ｍ咁（出唔到個死胎），醫生就叫食第二個療程，如果唔出至安排手術（因為好多case試過都得），之後食第二個療程，真系攪掂咗．我都有睇中醫嚟調理身體，等咗幾個月之後再嚟過．我身體一向都比較差，所以更難成孕，有人教多啲食花膠．妳記住參考我寫嗰張忌服的紙，真系有用咖，因為我睇哩個醫生系喜歡研究的．

你唔好咁自責,其實流產係無人想傢,
醫生亦找唔到原因,呢個係自然定律,
係你就係你,唔係你嘅要留都留唔住,
我都試過一次,初時覺得係咪自己無用,
之後上網睇到好多人都試過咁,
有d人話係環境同食物問題,依傢同10年前比都差好遠,
呢d嘢我地控制唔到,所以我地為有小心d,
我好明白你受2次傷害十分大,我們唯有繼續努力,
試到得為止啦,有d人試過幾次都生咗,
最緊要唔好放棄就有機會.
祝快d養好身體,再戰江湖!

流產兩次醫學上唔會確診為慣性流產,不過會係有流產傾向,如果你再懷孕西醫好大可能會建議你take sick leave 養胎or even入院長期卧床養胎
我個人認為你身子唔係太好,建議你搵中醫調養好身體才再試懷孕,會有幫助

有人係有慣性流產....好果你初時有孕時, 就要卧床...等佢穩定下來.....我有個朋友, 佢40幾歲人, 頭3次都無啦啦無左.....跟住第4次就係醫院坐到7個月先開刀生仔...而家個仔都成8歲啦...放心..而家醫學咁發達...大把人幫到你啦....