牛奶麥片外, 麥片還有其他煮法?

你好。

(A) 水果麥皮粥 --- 由於加入煉奶令麥皮粥帶有甜味，質感亦較一般廣東粥稀身, 因為只取粥水，麥皮才是主角，營養更豐富。
材料: 麥皮3湯匙、豆漿1碗、煉奶1茶匙 、西瓜/ 蜜瓜/ 哈密瓜各2 片 、米少量。
1. 米加水慢火煮45分鐘至稀粥，只取粥水並加入豆漿，再以慢火煮至滾起 。
2. 將煮滾的粥水及豆漿倒到麥皮上，讓麥皮能吸收其味道，繼續以慢火加熱5分鐘後滾起，加入煉奶。
3. 待粥放涼後放進雪櫃雪10分鐘，吃前將水果切粒加進粥內即可。

(B) 南瓜麥皮 --- 南瓜含豐富胡蘿蔔素及鉀質，提供百分之十二的纖維素建議攝取量，百分之二十的維他命C，維他命C可增強身體抵抗力，並有助皮膚及牙齒健康；南瓜亦含葉酸，幫助細胞正常生長，亦是製造紅血球的重要元素。
材料 : 南瓜半碗、麥皮半碗〈約35克〉、奶2湯匙、水〈按奶份量稀釋〉。
1. 先用熱水按比例開奶，然後放入麥皮拌勻
2. 將南瓜烚熟、磨茸，備用
3. 混合麥皮及南瓜茸便成

(C) 牛肉南瓜茸麥皮 --- 此麥皮尤其適合小孩食用, 含豐富鐵質, 有助骨骼成長。
材料 : 牛肉碎1湯匙, 南瓜1碗, 麥皮1-2杯, 清水4杯左右。
1.先將麥皮放入滾水煮熟，約三至五分鐘即可，期間要不斷攪拌以免黏底。
2.南瓜去皮及瓤，切成粒狀煲熟，然後放入攪拌機攪成茸，待用。
3.將牛肉和南瓜茸一起放入麥皮內，煲熟即可。


謝謝。

其實都係放唔同材料落去一齊煮姐~
有牛肉麥片，
鮮奶麥片、
雞蛋麥片、
火腿麥片、
腸仔麥片、
魚麥片...

我喜歡鹹食. 可随意配搭,煮成鹹粥.

煮麥皮: 1. 可加肉碎和玉米同煮加少許鹽調味.
2. 可加鱼片葱花/加蛋一只
3. 可加冬菇絲, 甘筍粒, 豆干, 番茄粒, 粟米粒.

我每朝都係公司食麥皮的, 我唔係煮的, 我係用熱水焗熟d麥皮, 等5分鐘左右, 麥皮就會熟和發脹, 跟住我會落豆漿, 再攪拌就可以食啦. yummy~~
如果想食咸你可以加菜粒和攪碎瘦肉與麥皮一齊煮的.
其實麥皮有好多配搭的, 有時我lunch唔食飯, 都會用朱古力粉 (一包包果d), 阿華田, 好立克....來開麥皮食的, 睇你自己鐘意食咩味道, 你可以試下呀.

可以牛肉麥片, 是咸食

用新鮮牛肉攪碎 + 入 麥片用慢火

如果甜的方法呢，你可以試下加入燕窩，牛奶燕窩麥片都很好味的。
又或者可以用來沖飲品...例如常飲的柯華田，好立克之類，甚至奶茶咖啡都可以，加入一點麥片都很好味的。

如果咸的呢，可以試下煮粥啦。

都是自己小小的經驗，希望可以幫到你啦。