懷孕初期, 飲咩湯水好呢?

安胎湯水建議

1. 茨實北蓍銀杏煲豬肚

材料：豬肚 1 個、茨實 1 兩、北蓍 1 兩、銀杏 8 粒、腐竹 2 片、陳皮 1 角

製法：豬肚洗淨，陳皮浸水刮去果囊，銀杏去殼去芯，所有材料入煲加 8 碗清水煮滾，收慢火續煲 2 小時，豬肚取出切件，放回煲內至煮滾，加鹽調味即成。

功效：安胎、改善胃口、增強孕婦哺乳能力。

2. 桑寄生蛋茶

材料：桑寄生 1 兩、蓮子 1 兩、雞蛋 2 隻、片糖少許

製法：將雞蛋煮熟剝殼，桑寄生放入湯袋，加 6 至 6 碗半清水及蓮子，煲滾後收慢火續煲 2 小時，加糖調味。

功效：安胎

3. 腐竹雞蛋糖水

材料：腐竹 4 片、雞蛋 4 隻、冰糖少許

製法：雞蛋、腐竹入煲加清水煮滾，雞蛋煮熟後去殼放回煲內，收慢火煮至腐竹溶解，加冰糖調味即成。

功效：孕婦及胎兒皮膚健康，幫助分娩時更加順利

食多啲有膠質／滋陰嘅食物，如：花膠，燕窩，冬虫草或雪蛤膏．多食花膠都無妨，因有滋陰同有黏性作用的，都有一定的輔助子宮嘅功能！

我有咗的時候，好多菜都唔敢食，只食菜心，油蜜菜(中醫講)，西生菜小許．可以飲鮮奶同孕婦奶粉都可以補充營養或者鮮奶燕窩／燕窩燉雞／花膠燉雞．豬都得(好有營養)．

涼嘢如瓜類菜類（所有瓜類，白菜，小塘菜，紹菜，娃娃菜都熟偏涼），未有ＢＢ前都盡量小食或唔好食咁多．

以下有小小資料可給妳作參考：（未有時，西醫婦產科醫生亦講過，以下東西都會影響懷孕，所以我有的時候，都好小心食嘢）．

婦產科醫生比咗張紙我，說有咗之後忌食什麼東西．
忌服：木瓜，苦瓜，黃瓜（即青瓜），節瓜等．
忌飲的東西：含咖啡因飲料，如中國茶，奶茶，檸檬茶，唂咕及可樂等．
每週吃海鮮不可多過四餐，如魚，干瑤柱，帶子，象拔蚌及蠔市等．
以上的食物都對胎兒有一定的影響，盡量忍口吧！不可不信！
木瓜真的很厲害，我試過小產之後無做任何手術，只吃木瓜都可以落掉個胎．

2008-01-15 16:38:41 補充：
腐竹真系屬於涼嘅食物，所以小食為妙．