倉鼠-小露寶的問題?

A.鼠鼠就算懷孕,都一樣會玩轉輪,小露寶係常見寵物倉鼠中跑得最快,所以好易有你講既跑到飛出去既情況
平日都要留意返,轉輪會唔會係通風一間間,而唔係密封既呢?(地板都要留意)呢類一間間既設計,都好易令鼠鼠整親,所以要更換.未換到就可以用d file唻做地

B.懷孕時如果常趺係有機會令胎兒死亡,呢個情況可將轉輪拆去,但其實懷孕唔止呢個問題,鼠生BB會令鼠鼠短命,仲有其他問題需要考慮,諗真D覺得處理得到又冇問題先吧:(咁多野可能睇都覺得煩,到真係面對既時候仲煩)
1)鼠鼠係獨居動物,雖然年幼較少會見到鼠打交,但當鼠鼠慢慢長大,地盆心態日重,就愈唻愈易出現打交行為,就算冇打傷打死,鼠鼠同第隻鼠一齊住都好易感到壓力,壓力有機會誘發甩毛,肚瀉,濕尾左等疾病,咁就好易未繁殖先打交or生病
2)如果買多一隻鼠同而家既鼠繁殖,佢地打交你又會唔會即時有籠將佢地分開呢?打傷先發現又會唔會已經準備錢帶佢睇醫生?打死左既話又會唔會自責or難過?
3)生bb時,鼠媽媽有機會難產,如果一個月大繁殖,機會仲會較大
4)當兩隻鼠到繁殖成功都冇事既話,生bb前需要將鼠爸分開,都要準備定籠分開,好多時懷孕都好難睇得出,如果生bb之後先分開鼠爸,鼠b有機會俾鼠爸食左
5)到鼠鼠成功生出鼠b,鼠媽媽都有機會食鼠b or鼠b大少少時打死鼠b
6)到鼠b真係可以去到21日大,如果你既鼠唔算生得多,生六隻唻講,你又有冇咁既時間地方等去照顧呢八隻鼠?定係要周圍搵人要鼠b?好多人繁殖完出唻就唔要部份鼠b同鼠爸鼠媽,繁殖可能只為1,2隻鼠b,唔關我事都感到心痛
鼠b同父母一定要分,唔係好易打死鼠b,而同一胎唔同性別一定要分,避免亂倫,但就算同性別鼠鼠就算同一胎都有機會會打交
7)鼠鼠生育後,會令鼠媽媽身體變差,增加生腫瘤既機會,子宮更大機會出現問題
而且壽命減少,曾經有項研究指出,生育可以令倉鼠壽命短好多,唔太記得係咪,但依稀記得最多可短半年命,對鼠鼠唻講,實在係十分多
8)如果繁殖完都將鼠爸鼠媽放埋一齊,因為鼠鼠繁殖速度快,4日一次發情,懷孕期15-16天(熊仔鼠)or19-22天(細隻既鼠),一般一次生2-10隻,如果一切順利,唔洗好耐就可以有過百隻鼠

其實鼠鼠最好分籠,繁殖鼠鼠會有好多問題,希望你考慮完唔會去繁殖,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議 一籠一鼠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
3) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
4)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

如果考慮完都堅持繁殖鼠鼠,就要在你懷疑佢懷孕時留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

食唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

C.小寶寶並非唔太會交配,反而小露寶既性成熟期比其他品種既鼠早,未戒奶已有成熟既性功能
而發情大約係4-5日當中既12小時左右
幾多成機會會交配就好難講,要睇返兩隻鼠想唔想交配而定

D.鼠鼠吸二手煙,比人更易患上腫瘤
鼠鼠對致癌物質既反應係特別敏感,亦都因為咁,鼠鼠在實驗中,好多時都被用作癌症既研究
盡量將鼠籠放既位置遠離吸煙既位置,當然最好都係請家人考慮戒煙,對人既身體會好D,人既健康都好重要

2008-01-15 16:14:28 補充：
唔洗客氣,叫我杰就可以了^^

會係咁玩碌
no
no
80 percent
會都好似人咁

圖片參考：http://www.angelfire.com/moon/karen_choi/hane_1.gif


圖片參考：http://www.angelfire.com/moon/karen_choi/line6.gif


圖片參考：http://www.angelfire.com/moon/karen_choi/cool3D_4.gif

1. 注意事項:
圖片參考：http://www.angelfire.com/moon/karen_choi/ani_denkyuu.gif












a. 鼠是在白天睡覺，不會被人干擾。
b. 需要在一個乾淨的籠子和有和新鮮的食物。
c. 睡覺的時候要有一個很寧靜的環境。
d. 如果主人長期不在家便要找人照顧鼠鼠。(約4日以上)
e. 每天要給鼠鼠1-2 小時籠外的活動時間，讓牠們做做運動。
f. 給鼠鼠一個大一些的籠子，這樣提供多一些的活動空間。
g. 不要放其它的寵物，否則會傷害鼠鼠。
h. 當然要有愛心啦！
圖片參考：http://www.angelfire.com/moon/karen_choi/pic25.gif

　
2. 料理
圖片參考：http://www.angelfire.com/moon/karen_choi/ski.gif

1) 餵飼方面
圖片參考：http://www.angelfire.com/moon/karen_choi/hampani1.gif

倉鼠糧已有足夠的營養, 但倉鼠揀飲擇食, 一包糧只食三分之一, 所以不夠營養。
以下是一些提議:宜食清淡食品如新鮮蔬菜, 蘿蔔, 水果,倉鼠專用零食, 暖開水。因
為這些食物營養較高。忌吃熱氣的食物瓜子, 肉類等。瓜
子和熱氣的食物會使倉鼠脾氣暴躁。

圖片參考：http://www.angelfire.com/moon/karen_choi/s55.gif

　
2) 清潔方面
圖片參考：http://www.angelfire.com/moon/karen_choi/hamsani.gif

雖然倉鼠會用口水來清潔, 但並唔不夠乾淨, 所以最好日日都要沖涼一次, 會較健
康!!
---預備一個膠兜, 放隻鼠入去, 再用洗澡沙灑在背部, 注意不要灑到牠們的眼睛，
，再用擦擦下個身。注意定期幫牠們換木糠和清洗籠子!!
　
倉鼠唔可以用水沖涼，只需用涼粉。倉鼠專用的沖涼粉可以在倉鼠店買到，
每隔1至2星期可沖涼一次。籠要空氣流通，鐵籠適合夏天用，膠籠適合冬天用。
籠不要被陽光直射，每3-5日換一次木糠。水樽要檢查沒有塞，每3-5日換一次。

屋企有人食煙唔係問題 我自己都食煙 我都有倉鼠