去見工...應該點答人??

自我介紹唔使教你啦，自己簡單講講叫咩名，做過幾多年野，想學多d野咁就ok，唔使講得太多，佢想知就自然會再問你讀到中幾咁。

閒時你最大的嗜好及興趣是甚麼？
千萬唔好亂講，最好就話我平時冇咩特別興趣，最多都係同朋友出黎飲下茶，唔好話自己鍾意落d浦吧。

你認為自己的性格有甚麼優點及缺點？
優點，當然講自己肯學肯做，唔怕蝕底，唔會同d同事斤斤計較，最緊要做得開心，而缺點就係可能自己未夠成熟去處理很多事，如一d好突發既野，或者d客既冇理要求啦，希望可以係d前輩身上學到，增加自己處事經驗。

你為何應徵這個職位？
本身自己都好鍾意扮靚，好想將自己興趣當成職業，希望係呢份工度學到一d心得，同朋友分享下﹗

你覺得你在哪方面能勝任這項工作？或者比其他人更適合？
自己好肯學，同埋都好易適應唔同公司運作，捱得苦﹗

你對這個行業的前景有甚麼看法？
前景ok，因為一日有貪靚既人，一日都有生意，只要用心去做，d客一定會返黎做﹗

你對這個職位有甚麼期望？未來五年你的計劃如何？
希望可以係呢5年內由學習開始，到自己真係能夠自己應付客人，能夠做到一個美容師，有一定既美容知識，去解答客人問題。

你覺得自己最大的成就及遺憾是甚麼？
而家年紀都唔算好大，所以成就當然仲未見到，而遺憾都未真正感受到。

你認為一旦獲取錄，你可如何對公司作出貢獻？
你會好比心機工作，去做好每一年事，令公司生意上及口卑上有所得益

你所參與的課外活動，對你將來的工作會有甚麼幫助？
可以訓練到自己同人地之間既溝通，重視團體合作既重要，呢d對日後工作都好重要，因為公司唔係得我一個，都有一team人的~

其實答佢問題無話一定答案,
主要要留意d答案要正面,樂觀同率直(唔好係咁刷鞋)
關於佢地公司既就去interview之前做多d reseach啦要!
工作經驗有咩就講咩(不過,做得幾日一兩個禮拜果d就咪講啦!)

嗜好、興趣、性格，點幫你答呀？？？睇完ｃｖ都唔知啦！