泰國 - 大皇宮

泰國大皇宫的而且確係好大，仔細咁行的話，慢慢欣賞其建築同歷史，真係可以行你半日時間。再加上，要俾250銖入場費，點都要行盡佢，影飽佢啦！

不過，我建議你早啲去，因為大皇宫好多地方都係喺室外，越接近下午，大陽就越猛烈，會行得好辛苦下。其實，對住個咁猛o既太陽，你唔會真係行得好耐。好能三個鐘左右，你就想走。

我幾個月前同朋友去，早上十點左右到，大約一點鐘就離開大星宫。因為太熱，所以即刻截咗架的士去 siam！

大皇宫位置都係喺市區，要去 siam 都唔係好遠。不過，就好塞車下。我哋加埋塞車，去到 siam 約兩點左右啦，搭咗大約80銖的士錢。確實價錢，真係唔多記得。

不過，要留意一樣嘢，喺一點鐘左右截的士去 siam 比較困難。因為塞車嚴重，好多司機都唔肯去。我哋截咗第四架先去咋！