點解買保險搞到好似好唔保險咁?

因為太多市民誤解用保險可以儲蓄, 當他們一心希望可以又得到小小保障, 又可以儲蓄,就羊群心態,人買我又買.... 加上有大部份保險經記時常誤導消費者.用扮到好專業的一套推廣理論推銷有儲蓄投資成份的人壽保險產品給用家. 結果消費者供了一段昂貴的保金後才發現原本自己的血汗錢越供越少就開始出現唔上唔落的問題,怪責保障經記.
零八年二月的SmartMoney雜誌第59頁登載一篇短文,名為The Wrong Direction (錯誤的方向),文中提到四種投資是投資者應該避免的,其中一項是終生人壽保險 /終生壽險 (Whole Life Insurance).
文章指出,終生壽險是不理想的投資工具,文章說﹕這種保險最大的問題是太貴﹕The biggest problem with whole life is that it is too expensive. 它亦指出,第一年全部保費都被佣金與費用吸去,之後十年內每年要用5-7%支付佣金與費用,要第二個十年才有合宜的收益. 文章作這個結論﹕最聰明的做法？購買平宜很多的定期人壽保險,然後盡量在退休帳戶作儲蓄.(The smarter move? Buy much cheaper term insurance, then max out your retirement account.)
保單第一年所繳的計畫保費，百分之百或90%以上拿來做「費用」，例如年繳計畫保費6萬元，6萬元全部做費用，保戶過了一年，發現自己的投資帳戶價值等於零，大為不滿，造成投資型保單開賣後，客訴糾紛一堆.. . . .
除了這些收費外, 還有好多其他額外收費每年都要支付.
如果6萬元放於床下低就算無利息呀! 本金都仍然存在. 如果不知道一心買了希望儲蓄. 真是只怪自己買前沒有了解清楚保險之收費.
願大家都做一個聰明的理財者.

因為樹大有枯枝囉





希望解答到您的提問，
有需要可以搵我 or Email資料。

為已有保障的人，感到喜悅，
為未有保障的人，感到擔憂，
樂意幫助您 ＆ 您身邊的朋友解決問題，
助人自樂。

1)其實點解保險公司SELL產品一定要經保險顧問？就好似一間賣衫o既舖都要有sales一樣,但係賣衫o既舖頭無人拉你入去你都可能會入去睇下,一間保險公司無agent同你傾你又會唔會去睇下保險係咩黎,呢個你自己諗;
2)呢種制度係咪好有問題？保險呢樣野係每個人都需要o既野,有需要就有供應,有供應就有競爭,所以保險公司自然要有agent幫佢地搵客,咁係好正常o既事;
3)客人同保險顧問其實是對立的，有幾多個保險顧問會真真正正從客人的需要出發?你去買衫果陣d sales會同你講呢個款係新返架又或者會話好o岩你,你會唔會問佢地有無真正響客人o既需要出發?當你睇緊d特價貨果陣個sales一樣會向你sale貴價衫,但係買唔買會係你o既自由;
4)人始終有貪念的，有幾多個保險顧問唔係先諗左自己有幾多落袋然後再為客人作出建議？保險agent唔係聖人,有幾多佣落袋一定要諗,咁我又問你,你見工你都要知你份人工係幾多錢先做啦,agent做o既每份單都好似係見一個新老細咁,咁佢地一定會諗過度過先會出建議書,但係佢地要考慮o既除左係幾多佣之外仲要考慮呢份單個客會唔會有興趣,你要知道出左份建議書之後個客都唔一定會同你簽;
5)睇一睇知識+的保險問題，當中極多是被保險顧問欺騙、誤導的問題，夠竟買保險係唔係好唔保險？你睇到呢d情況係唔出奇架,樹大有枯枝,有d有問題o既agent係唔奇架,但唔表示全部都係咁又或者保險係呃人架,如果真係有d agent呃人,咁係呢個agent有問題,咁佢做咩工都係有問題架啦,同信唔信保險唔可以拉上關係架;
你有無諗過一d孤兒寡婦響經濟出現困難果陣收到一筆保險金果陣o既心情會係點,點解d人成日會因為儲蓄保險o既單回報唔好而投訴?當你有事o既時候保險公司會賠一筆保險金比你,咁佢地要收保險費唔通咁都有問題?而家上網搵唔同o既資料都咁容易,又可以有咁多方法去知道唔同o既消息,點解d人可以比人呃完之後上網同人講話比人呃左,但係響比人呃之前又唔會上網搵多d有關o既資料去保障自己?保險唔係幫個agent買,係幫你自己買架,唔清楚可以問,如果唔信個agent或者佢都唔清楚可以直接打去保險公司問或者上網查,你買車買樓會唔會唔搵任何資料就比錢?我當然唔係話d agent無錯,我亦都覺得將比人呃o既經驗同人分享係一樣好岩o既事,但係都唔應該將所有責任推去agent身上,因為你自己都有責任,唔好因為一部份人o既問題令到人對保險失去信心,而係應該去了解完之後先再批評,咁樣會對所有人都會公道d.

講得好，
我都有同感。