各位女性,請幫忙!

首先我講啲真實嘅個案俾你知,我fd個男朋友係一個洗腳唔抹腳嘅,做份份工都做唔長,火麒麟周身癮,冇錢就攤大手板問我fd借,借借埋埋都費事計,叫佢俾心機搵份做得長嘅工啦,佢就依依哦哦,問人借架車去玩,就撞鬼爛咗人地架車,冇錢賠就叫我fd問財務公司借,我fd見佢攪成咁唔忍心就同佢做咗擔保人,頭兩個月好正常咁還錢,第3個月做話冇錢還,我fd唯有幫佢還住先,就係咁還住先就還還吓連人影都唔見,大拿拿8萬幾蚊係咁攬上身,仲要玩埋失蹤,最激氣就係喺其他啲fd嘅口中話佢北上識咗另一條女,如果個男朋友做埋啲hurt自己嘅嘢,你話嘞會唔會等佢變番好就會同番埋一齊呢??
當個女仔受到傷害嘅時候,係唔會番轉頭架,由其是佢搵到一個令自己有安全感嘅男朋友時,佢更加唔會睬你,所以你應該錢照還,但係就死咗條心搵過第2個仲好啦!!!!
你女朋友對你嘅絕情係可以理解嘅,大難臨頭各自飛,你點補救都係無濟於事架啦,不如疊埋心水俾心機搵錢,還晒啲錢俾人,唔好再蘇擾佢啦,知錯能改就大把前途,何必增添煩惱呢!!經一事長一智,唔好再做啲唔應該做嘅嘢咪得囉,講真吖,如果我真係好鍾意我男朋友,就算佢做錯咗導致到坐監都好啦,我都會等佢,相反人地唔係咁鍾意你,祇係利用你,你仲留戀嚟做乜啫????
喺呢度我祝願你發奮做人,過去就過去,男人大丈夫有錢驚無女朋友咩,要拎得起放得低嘛,雖然我都係女仔,亦都好同情你嘅遭遇,如果你個女朋友睇到你篇文章就好嘞,等佢知道真相呀嘛!!!!!!!!!!!!!!
明天會更好
圖片參考：http://hk.yimg.com/i/icon/16/3.gif

早知結果何必當初呢!
不用再打電話或者再做任何事喇,佢已經唔鍾意你,點做都冇用.
你自己做返自己應該做o既事先啦! 日後如果佢覺得你有所改變而感動到佢o既話,佢咪或者會比機會你囉.

兄台...本人係一位女性, 首先解答左你d問題先

佢話已經有男朋友:
呢個係最常見的拒絕手法

如果有新男朋友,你會唔會叫新男朋友打發我走:
咁就睇下對方(當係你啦)係咪真係煩到我啦, 如果唔係我唔會做

你們女性是否愛之深,恨之切:
呢個就好睇個人性格.....我本人就做唔到恨之切...恨一個人好辛苦, 就算係分手我都唔會恨佢~

我應否一直打電話打到佢聽為止:
建議你試下過多一段時間先, 大部分人都受軟唔受硬, 你一直打電話手法就太硬了...會令對方覺得煩

你們女性會否因為身邊親友說三道四而影響自己:
我自己都會....人地講既會聽, 點都會令自己有d影響


以下係我對你的事的個人意見:
你知道點解佢咁絕情嗎? 假設我係佢, 我都會嬲.....
你既出發點係好...不過o係佢既角度就未必, 你瞞住佢o係佢銀行loan, d錢係佢架喎, 係肉緊d...
唉....你唔好再追返佢啦..我個人認為, 因為佢覺得你自己做犯法野要坐牢, "你自己衰就好啦, 仲要累到我還債!"
所以對你絕情, 證明佢唔係真心愛你......