一個膠罐加氧氣珠,死硬啦。
圖片參考:
http://hk.yimg.com/i/icon/16/59.gif
1.氧氣珠只係呃細佬o既o野。
2.氣溫只得十三四度,你又冇暖管(估o既,但用膠罐我諗都唔會有),d魚太凍自然唔活躍。因為魚係冷血動物,唔能夠產生體溫。唔活躍唔關唔夠氧氣事;要抖氣佢地會浮上面,唔係沉底。
3.濾水器係必要設備,唔係吸/隔走d屎,係用濾材(主要係生物環)養硝化細菌,等水經過濾材時硝化菌將水中阿摩尼亞等氮化物變成毒性較低o既物質。由得d屎o係個罐度,只係等d魚幾時死。
所以,「氧氣珠同屎可以點做/分開」已經唔重要。重要o既係如果你要養魚,就要有一個夠大o既缸、濾水器、氣泵同埋暖管。當然換水吸屎用o既泵都係必備用具。
= = = = = = = =
換水最主要係吸缸底o既屎,減少硝化菌負擔,每星期一次起碼,份量三份一至一半;入缸o既水要隔夜等氯氣消散或者用除氯劑。冬天仲要留意水溫唔好差太遠,有需要可以用暖管加熱入缸o既水,因為溫差太大易令魚生病。