賣樓時，有關律師、、、

正確。
一般樓宇買賣，
樓價通常分開三部份收錢
1. 簽臨時買賣合約---俗稱“收取細訂”
2. 簽正式買合約------俗稱“收取大訂”
* 注意︰通常細訂及大訂的總額為樓價之10%
3. 於成交日簽樓契----------------俗稱“收取樓價尾數”

如果你係賣方，而你本身未供完層樓，
你的律師可以指示及通知買家律師行，把樓價尾數拆開，呢個動作，稱為split cheque.
假如，你的樓價尾數為800,000，你尚欠銀行貸款300,000，今次你的律師收費為6000
呢個時候，你的律師便會叫叫買家split cheque ，如下︰
1. $300,000------------支票抬頭，寫比銀行，作為承按人的款項
2. $6000-----------------支票抬頭，寫比你的律師行，作為是此服務收費
3. $494,000------------ 支票抬頭，寫比賣方，作為是次買賣的樓價餘款。

承按人既款項，即係︰如果你供緊層樓，但未供完，咁呢筆款項咪就係你所講既承按人的款項。

驗樓通常都係成交日前一日會做，通常會透過地產代理約好時間。

你可以成交日前通知水電煤公司於成交日截數，取回水電煤之按金。
你亦可叫地產代理代勞。