何謂泛民主派?

泛民主派其實係講緊所有對香港支持民主既人，佢地對民主選舉既制度立場一致，就係希望香港要普選。基本上呢個TERM既由來可以由23條立法開始講起，當時政府要立法，可以係話一定通過，因為立會中，有自由黨同民建聯支持下，都可以得到過半議員同意，對此香港以民主為先既政黨主席(如前线、民主黨、民協等等)都意識到唔可以再各自為政，一定要合力對抗政府既23條，加上當時大律師公會既湯家驊、余若薇、粱家傑等等，都公開23條既隱憂，所以就令好多人都開始意識唔可以比23條立法，所以就一齊反對，最後因為自由黨轉軚既情況低下，23條唔通過，有見團結既成果，泛民既召集人蔡耀昌就成立左泛民主派，為選舉、議案投票等等做協調，就出現左泛民主派既TERM啦......

之後因為傳媒認為泛民同非泛民最大既分別在於同一者係會支持政府既政治立場方案，一者就唔支持政府所講既，就出現左親中既TERM，但後來因為市民開始憎惡民主派只搞對抗，無咩可以幫到市民，就演變成建制派啦!

民主派同泛民係一樣既，但民主黨就只係泛民其中一個政黨。

民主派: 前线、民主黨、民協、公民黨、社民連等等
親中/建制派: 民建聯、自由黨、工聯會等等