有關澳洲簽證和問題!!!

你好呀,

＊在香港如果要簽證去澳洲大約要幾錢左右？
在香港做學生簽證要AUD420澳洲約2900-3100港元左右.

＊大約時間要幾耐？
約2-3星期左右啦.

＊要些什麼先可以簽證？
你要報左一學校, 學校又收左你, 你又交左錢, 如果你18歲, 要有埋監戶人證....等等

＊如果去澳洲大約要幾錢左右？（住宿學校／住人地家）
中學的學費其實好大差異架, 我讀個間一年要23萬左右, 我表妹個間一年都係16萬度.所以視乎學費同地區架. 澳洲吾係好多學校有宿舍架, 我讀個間就好囉, 所以會貴少少.

＊我英文不好，不過一心要出去讀，不知道去到能不能讀到英文。我16歲！
只要有心,一定可以讀好英文, 你緊要係吾好成日同番香港人一齊玩. 始終澳洲有個英語環境, 所以只要肯學, 可以好快進步.

＊如果讀完中５才去好嗎？現在中４而已。
我個人地就覺得中4去會好D囉, 因為你吾駛應該會考痳, 澳洲中學畢業亦係世界成認的, 咁你又何必一定要會考咁辛苦呢. 加上早一年過去, 就早一年適應, 而且一般F.4應該係15歲, 而澳洲中學只係6年制, 咁你咪啱啱好,吾會超齡.

我也是澳洲學生, 希望以上資料幫到你, 如有問題, 可email我 [email protected]