✔ 最佳答案
首先十分抱歉知道你其中一隻鼠離開左,希望你唔好太難過
A.因濕尾症而死鼠後的處理方法
濕尾症係傳染病唻既,仲係好易傳染,所以就算而家既鼠冇事,都必須要小心處理,多D檢查而家既鼠鼠身體及排泄物有冇異常,有咩問題就盡快處理
而家你可以將鼠籠用小動物專用消毒劑OR牙膏洗乾淨個籠及所有用品,放鼠鼠去第度洗籠既時候,如果係用另一個之前死去既鼠有用過既缸既話,都必須先洗乾淨呢個缸先放鼠鼠入去
如果係一籠一鼠時,鼠鼠因濕尾左而死,所有物品都要消毒,冇鼠既情況下可用消毒藥手,之後放多一星期左右先可以俾第隻鼠再用,如果急用返D用品,則可用返之前講既方法
B.患上濕尾左的原因
濕尾症其實主要係因為壓力而做成,例如:轉換環境,去到陌生既地方,受驚,戒奶期,一籠多鼠等等.科學實驗並未搵出濕尾症既原因,只係知道壓力會令鼠鼠既腸胃受到細菌感染
C.預防濕尾症的方法
避免令鼠鼠感到壓力,一籠一鼠,唔好嚇親鼠鼠,新買鼠返唻就唔好咁急同鼠鼠玩,一步一步慢慢唻,俾多D耐性,鼠鼠係好細膽既,因為鼠鼠身體細小,又冇咩自我保護既能力,加上生理代謝同心跳快,有壓力就好易唔舒服,受驚除左有機會患上濕尾症外,仲有機會令鼠鼠甩毛,肚瀉等疾病
D.濕尾症特徵及處理方法
1)濕尾症同肚瀉係好似,排泄物都係會較軟甚至液體咁,但濕尾症就會見到鼠鼠既尾成日都濕左,嚴重d既時候會發出惡臭添!
2)鼠鼠會唔係點食野,冇咩力咁
3)濕尾症可能會引起直腸脫出同埋脫水,兩樣都好危險,所以一有濕尾症就要盡快睇醫生,唔係就好易死
4)濕尾症會傳染,患病期間一定要將鼠鼠隔離,鼠鼠既用品同籠都要用小動物專用消毒劑OR牙膏清理得好,但怕打擾到鼠鼠令鼠鼠有壓力,所以3日左右洗一次籠就可以
5)濕尾症係嚴重既疾病,有D在發病24小時內就已經捱唔住,所以一定要盡快睇醫生,嚴重既疾病可考慮以下既鼠醫生:
大圍珍禽異獸及寵物醫院 DR.TIGER/DR.LAM
Tel: 2687 1030 地址:大圍積信街75號地下
http://www.taiwaiexotic.com/
旺角動物診所 - 梁醫生
九龍窩打老道66號A地下
電話 : 2760-1026
2008-01-15 05:23:28 補充：
濕尾症在病發既時候先會被發現,而呢個病主要係由壓力引致,但就好難見到鼠鼠有壓力而知道將會有病,濕尾症係又急又嚴重既疾病,一般發現而冇馬上睇醫生都凶多吉少(睇醫生亦唔代表好易好得返),所以根本好難預早知道擔心而家既鼠患上濕尾症,除左注意消毒外,可留意返上文C,D點既事,當鼠鼠排泄物有異常就盡快睇醫生處理鼠鼠有壓力,同時都有機會患上甩毛,肚瀉既疾病,所以平日減少令鼠鼠有壓力既機會,對鼠鼠一定係好既我以前都有鼠有濕尾症,唔洗好耐第隻鼠都有埋,未等到醫生開門已經唔得了,所以有事就唔好等,快快睇醫生
2008-01-16 03:09:05 補充：
自小一齊住其實都唔代表冇壓力,睇返鼠鼠獨居既天性,有第隻鼠一齊住已有壓力既存在,加上佢地都有打咬既情況,壓力就更大令鼠鼠壓力冇咁大,要有轉輪,籠足夠既空間俾佢活動,暫時唔好放佢出唻玩住,除檢查之類之外,就俾佢自己一個靜下如果冇其他病徵,眼咁既情況可能係有塵or眼疾,之前細菌多令鼠鼠眼發炎都唔奇,可以先試下幫鼠鼠抹下眼,如果只係有塵入眼,眼水眼膠問題好快就會冇:用藥用棉花,加少少微暖既水,抹下鼠鼠隻眼(冇信心控制力度就唔好試)
2008-01-16 03:09:13 補充：
但如果抹左都係咁,就可能係發炎,發炎除左都係要保持維生,仲要檢查下籠會唔會有d咩整到鼠鼠既眼,留意多d鼠鼠會唔會少左飲食,同埋最好盡快睇醫生,因為眼疾好難自己去處理,而市面既眼藥水又未必合用
