✔ 最佳答案
魚絕大多數係體外受精o既,少數體內受精o既有摩利、劍、孔雀等。而體外受精多數都係母魚產卵之時雄魚射精,等卵o係水中受精;有d卵會黏附o係木、石、葉面/底,又d直沉到水底。有d魚(如鬥魚)有d會o係水面吐出氣泡型成泡巢,然後將d卵放o係泡巢之中;有d會將受精卵含o係口中直到變成魚b。而魚b絕大多數係帶透明,顏色唔深(黑摩利除外)。
講到呢度,都冇你講o既白色泡。究竟你講o既係唔係o係魚尾、鰭同身上o既白色凸出物?我懷疑係生白點病就真。水溫驟升驟降好易有色點,呢d點其實係一d纖毛蟲o係魚o既皮膚下繁殖,到數量有咁上下就會爆開,蟲仔進入水中搵新宿主,白點就好似冇左咁,但其實好快會生得更多。
有白點最簡單就係將水溫慢慢升至約廿九度,加粗鹽入水,每100升水不得加多過500克(即濃度不高於0.5%),隔日換水,再保充鹽份維持濃度,一至兩個星期就得。唔用鹽,用藥都有效。