倉鼠死因之預兆

真係唔好意思,之前實在俾人攻擊EMAIL攻擊得緊要,最近又被攻擊,只好長期關閉EMAIL
有D野都真係好神奇,睇完你呢個發問,我忽然記得我最初關閉EMAIL之前,最後一天就係回你既EMAIL,剛剛查返,原來真係,相信我潛意識中都有你鼠鼠"紫紫"呢個名

睇唻潛意識的確令你發左場惡夢
我覺得就算朋友冇講明送鼠俾你,之前問你既野都令你覺得有可疑,未必會直接諗佢會送鼠俾你,但潛意識已經將呢樣可疑既野放左入去,到除夕呢d有機會收禮物既日子會同朋友相見,之前一晚就"感覺"到可以會收到鼠鼠,之前紫紫既離開對你有一定既打擊,從而令你發左個可怕既惡夢

其實我就唔喜歡人地送動物俾我,我有份去睇就可以,始終自己睇住再拎返唻養感覺好唔同,要合眼緣呢

打麻雀既假設真假都唔緊要,咁諗會舒服d咁諗都冇所謂,不過有d野覺得太假,就好難說服到自己,要真心相信先好,呢樣就要睇你既理性同感性邊樣打贏
但我好肯定一樣野,紫紫同芝麻都唔想你唔開心,特別係紫紫,相處左一段時間,佢一定知道你係錫佢既,試問佢又點會唔想你開心?芝麻同你相處既時候雖然唔係好耐,但短短一天就可以在你心中佔一個位置,其實已經比好多養寵物既人好好了,好多人死左一隻幾蚊既鼠,根本冇咩感覺咁

鼠鼠死因主要係用唻吸收經驗,等下次再養既時候做得更好,千萬唔好只將責任推到自己身上,咁係好辛苦,雖然我自己都係咁,性格係咁好難改變,但你可以比我做得更好!

慢慢唻啦,喊下講下會好好多,好多陰影我自己都未能放下,靠日子既流逝同自己既努力去面對,大家一齊俾心機!^^

慢慢努力收拾心情,唔係話忘記兩隻鼠鼠,只係記住佢地開心既野,再養時避免慘劇發生,傷心難過會慢慢離你而去,如果佢地既離開會令你下一隻寵物得到更多快樂,我相信,佢地在天都會感到快樂