幼稚園課室管理方法、兒歌 20分

唔使太緊張！你去實習，校方通常都會安排有經驗既老師來帶領你，老實講，佢唔會將自己果班全權交俾你，點都會企係一邊垂簾聽政；所以，建議你去實習之前，要同班主任好好溝通吓，聽聽她有什麼意見，請教她用什麼方法，咁做對大家會好啲嘍。
點解我會咁樣講呢？我以前坐係校務處，周不時都會聽到班主任向校長抱怨實習生唔受教、自拔自尾．．.總言之，溝通做好啲，是非就少啲啦！
講番唱兒歌或者童謠，我自己就會响帶班仔去排洗果時唱，因為由課室去廁所有一段路，有啲百厭仔會趁機造反，唱隻歌仔真係會call番啲注意力。
細啲既小朋友，我就會帶佢哋唱啲簡單既歌：
今天是快樂的星期ｘ、星期ｘ．．．今天是快樂的星期ｘ，快樂的星期ｘ。
太陽伯伯、太陽伯伯你去咗邊？你去咗邊？快啲快啲出來，快啲快啲出來，照著我，照著你。
高班小朋友比較有主見，我就好民主咁問：你哋想唱咩歌啊？跟住再扮唔記得歌詞（其實真係唔記得），呢一招好使得，個個好似唱ｋ般賣力咁唱。
另外，上課中若有小朋友周身郁，你可以唸這首：
手指公、手指公，你去咗邊度啊？嗱，咪係呢度嘍！（跟住用手指公做一個叻叻的手勢，送俾坐定定既小朋友。
就咁多啦！都係果句，多多向你果位班主任請教！！


2008-01-13 16:39:16 補充：
由你的描述可知，該名老師很懂得恩威並施，並且同幼兒建立一種默契和常規，使課室活動得以有秩序地進行。有d老師唔使靠惡，單憑一個眼神、一聲咳嗽或者一句說話，已能讓幼兒nuder control。你放心，等你係呢行”浸”咗一段時日、摸熟果班友仔ge脾性，自然會有這種”威嚴”ge！除了唸歌謡、拍手之外，你還可以用鈴鼓、沙鎚或揺鈴來喚起幼兒的注意力；有些老師則會跟幼兒設定一些”暗號”，某種暗號代表某種活動，例如我有個同事，就用揺鈴的方式向幼兒預告等一下將是聽故事時間，同時並訓練幼兒聽到搖鈴聲，就要自己攞地墊、排位坐定定。

2008-01-13 17:18:15 補充：
至於你的主任要你講完主題後，用一些”信息”帶出將要進行的分組活動，這個信息其實等同一個節目預告，讓幼兒產生一種期待的心理；雖然分組活動不外乎寫字、美勞...等，但你預告做得好，產生的效果或反應是很不同的。以前在教院曾聽過miss說教學要像變戲法 (trick) ，我和同事們都曾經跑去學一些小魔術，有時還會去玩具反斗城買些新奇玩具，小朋友一看到老師的新把戲或新玩意兒，眼睛馬上發亮，你說什麼他們都聽呢！

2008-01-13 20:47:15 補充：
對了！我個人就較常用手偶，利用跟手偶的對話來帶出我想向幼兒灌輸的信息；幼兒對某些得意的手偶特別喜愛，見到它就想摸摸它；所以有時上課，我會出示手偶跟小朋友打招呼，並且預告等一下表現好的同學，手偶會同佢握握手或錫佢一啖。