老公一個月應該比幾$太太做家用呢?

你老公有2萬12蚊, 扣除租金包埋管理費同有比$亞媽5千再 +你3千幾蚊 + 水,電,煤等等什費 , 佢淨回 HKD 10500 (HKD21000 - 1500 -5000 - 3000 -1000) , 你老公已經包哂費用除買送煮飯既使 , ,所以比3千幾蚊你 算 o.k la , 佢而家比$亞媽5千都合理 , 除非你地有小朋友 , 佢就唔洗比禁多佢亞媽 ,一頭家 , 你老公付責開支 , 你付責做家頭細務 , 都好合理 , 兩夫婦唔洗禁計較 $$ , 最重要你老公對你好 ,

2008-01-12 11:44:23 補充：
其實你心又唔使唔安樂 , 你試諗吓香港而家有好多女人都係冇家用 , 自己揾錢自己使 ,咪重慘 , 亞媽梗係会幫住個女覺得你老公應該比多 D 你 , 但 而家時代唔同 ,而家 D 男人唔會好似我地老豆個一代咁差唔多比晒成份糧亞媽 , 不過你都可以笑笑口咁同你老公講 , 而家セ都貴晒 , セ都加 , 你都可唔可以加多 D 家用比我呀 ?? 我自己覺得你就唔好提比 $5000奶奶嘅事 , 因為男人聽到會好唔耐煩 , 棧罵交 , 傷感情 , 咁你同你老公平時去街 , 去旅行邊個比 $$

你跟本個人就有問題，佢要比錢佢mother天公地義D錢係佢辛苦搵，無佢老媽點有佢！如果你話買完餸無錢洗就第二回事啦！你無錢洗又點解要話人mother 呢你可以直接講叫佢加一千囉！

佢應該至少比5-6千, 當佢揾21000, 比亞媽 5000, 比你6000, 起剩番8000度, 都夠用拉, 每日大約有260洗用, 如果一日唔係大洗, 除便請人飲飲食食, 已經好夠了, 一個月3000點夠洗, 一餐都要50蚊, 假期呢, 一日三餐, 買柴, 米, 油,鹽, 洗衣粉,洗頭水, 樣様都要錢, 單買洗頭水都要50蚊, 那麼護髮素呢, 一樣都要50蚊, 又要買每月女人要用的東西, 3,000一定唔夠囉, 你應該問佢攞6000, 一個月用唔晒可以儲起來, 它日你有BB時也須要錢保身, 檢查, 現在開始儲起都差不多, 剩係產前都要煲湯, 保身, 都要二,三萬架, 所以須要留多D錢係身, 如果你有左, 我估你老公一定不知所措,需然我同你差不多, 但我地供樓要一萬, 小朋友讀K1須要5000一個月, 如果交雜費那個月要交7500, 佢令願自己慳D, 用最慳錢但要用長時間返工, 來慳車費, 每個月都要比8000我, 我現在找到PART-TIME, 少則找2000, 多都有4000, 佢老公沒有扣我錢, 因為我會同佢講, 我揾的錢須要去睇醫生(自己)或者小朋友生病都有錢睇醫生, 所以我老公唔會太多給自己洗, 大約留番2-3千給自己, 仲要交埋水電煤, 保險等..., 所以你應該問佢攞多D, 因為男人有錢便會身痕, 我令願D錢儲起來做儲備,

2008-01-11 23:41:03 補充：
仲有, 新年佢比錢亞媽買野食, 你同佢講, 佢都要比你亞媽, 仲要一樣的, 因為佢己有一頭家, 其實佢唔須要比太多佢亞媽, 如果佢話你, 你就話, 你要孝順你亞媽也要孝順我亞媽, 幾大都話自己無錢, 要佢錢,仲要比錢你封利是,我以前姑仔同佢兄弟講(共5人, 有三個己婚), 每個月要給千五亞媽, 我即是同弟婦講, 我唔會比, 因為我地結左婚, 有頭家,你有亞媽要養, 我也要養我亞媽, 我老公只會逢生日(每人500)或新年會給每人5千作買野食(老爺, 奶奶), 我亞媽要比3000(新年) 我的經驗, 希望可以幫到你, 最仲要你老公有沒有兄弟, 多兄弟唔應比那麼多

這個要視乎他有多少收入，你又有多少收入！
以前我老公月薪七千幾，我也是月薪七千幾；在還沒有孩子時，我老公每月付四千元給我奶奶買菜煮飯和交管理費（數百元一個月），而我就用網上銀行（信用卡）把家裡的帳單清付，每逢假期我更會去超市買米買油（奶奶搬不動嘛）。
後來我們有了孩子，我老公將三分之二的薪金給我做家用，主要用作交學費和保險費，其餘的還要給孩子添衣服；但我們就沒有錢給我奶奶做家用，奶奶就用老爺給她的家用買菜。
如果你老公的收入多的，就拿多一點；男人覺得一筆過最好，唔好煩到男人，但男人在外有時也要應酬。女人也要花錢，買件衫也要錢；如果你老公好似我老公咁，連衫都懶得買給自己，那份開支你也要預算在內。護膚品、飲茶食飯都是錢，錢鬆動一點總好過成日問男人拿錢。


2008-01-11 20:24:22 補充：
我們住的單位是老爺買下的，我就負責交差餉。

2008-01-12 00:10:33 補充：
同意樓下的說法，既然你老公有這麼的收入，當然什麼都找他出錢！男人養得起個老婆是他的本事，我個人建議你問佢攞$8,000一個月。你說你要準備進修、買保險、物價加價，你的開支大左，負擔不起家裡的開支；總之你現時唔攞多Ｄ，第日好難加家用的。當然唔好成日問佢攞錢，每個月一筆過咪唔覺囉！同佢講，有剩的就儲起佢，以防不時之需！你自己的當然要好好儲起佢，至於你阿媽就唔好理佢，這個家你也有份的，男人出錢你出力，不要將自己跟工人相提並論；有這種想法的女人，婚姻多數不太好。你就趁現時買些保險啊，買些５年期或１０年期的基金儲蓄。你老公孝順是一件好事，但也要為你們將來的孩子好好計劃一下！

包哂屋租,水,電,煤等等什費,
咁就睇下你有冇工作喇，
若有就係咁 yee 收番兩三千囉，
若你係無工者，就要將佢淨餘的平均分左佢，
買送煮飯什項都要錢買，
唔係點得即。


心

你老公有幾錢人工,
多就要多d,小就要小d啦!

為何老公一定要比老婆?

若已包晒所有雜費, 只是吃飯買餸的錢, 若是粗菜淡飯平均一個人800元就夠, 若要有好湯水, 天天都要飲湯則平均每人每月1200元,當然不包飲茶及外出飯。還要 看老公的收入有多少, 多有多吃, 少有少吃, 看老婆如何持家就是了。