[[20分]]有冇人可以教下我點樣說服呀媽去接受lesbian....T^T

其實....每個媽媽十月懷胎生個bb出黎
都會想佢開心咁成長同有佢地既下一代開開心心咁生活落去....
我諗你媽媽唔接受係因為

1.驚你受唔住世人既目光+壓力

2.佢地大年紀都大思想比較保守

3.驚你掛住拍拖冇心機讀書
4.....5......6.....
佢地有顧慮係好正常既...
試問有邊個媽媽唔關心..緊急自己既仔仔女女呢?
所以要佢地接受係1件好難好難既事
不過...如果你真係1個真真正正既lesbian人
就算係邊個都冇能力改變你既性取向
要你媽媽接受..我諗你首先...

1.同佢解釋點解你會鍾意女仔....
但要記住唔好太直接..間接d咁問...
因為以免佢反應過大...睇定d先行下1步

2.俾心機d讀書...
因為做1個好既lesbian人唔只要養自己仲要諗埋你既另1半
所以讀好書係唯一既出路
仲有最重要既係俾你媽媽知你有能力照顧自己

3.盡量聽家人說話
因為要俾佢地知道你除左愛你既另1半之外仲好關心家人
佢好時...你都好呀

4.如果你年紀比較細...即係未有能力照顧自己
咁樣你唔好同你既家人講住
因為大家1定會嘈起上黎...到時佢唔趕你走...你都想走啦...
以免大家日後面阻阻...忍下先啦

5.到時機成熟....
即有能力照顧自己...唔需要家人..而且又搵到個值得你去為佢付出1切既人
你就可以考慮下同家人come out同搬出去

6.即使搬左出去都好..都要關心家人
如果唔係關係只會惡化

如果要係mama一時之間接受你...真係係哩個世上冇1個mama到做
你mama唔接受你...唔係因為佢衰...佢都係關心你
所以..如果你要堅持既話就真係要同屋企人解釋得好清楚

以下係例子::
其實女鍾意男同女鍾意女冇咩分別
大家都係去愛1個人姐
女同女都可以好正常咁生活...
都會過得開開心心
如果你係都要逼我鍾意男仔
我咪仲唔開心
如果mama你係想我開心既話希望你俾機會我去做我自己鍾意既事
我知我今日咁講
你係會好驚訝
但我唔想再呃你啦
如果你真係唔同意
我都冇辦法
哩個真係我既選擇
仲有你永遠係我mama...

不過...講之前1定要好好咁諗清楚

我係thg企番係g既角度睇
純屬自己個人意見

唉!感同身受!我都係被家屬遺棄嘅人,依d嘢迫唔嚟,唯有等你阿媽慢慢去接受,建議你買一些有關les嘅書俾你阿媽睇,就算明知佢唔會想睇,你都要繼續買多幾本放喺屋企,希望有日佢會明白les唔係一種病

我係一名ｔｂ
我話左比我呀媽聽．．我係ｌｅｓ
最初，佢都係接受唔到，但係過左一排算係接受到啦
點解會咁既呢？
其實到宜家我媽都想我轉返鍾意男
但鍾意女就係鍾意女，點樣說服我，點樣改變我都唔唔會改變呢個事實
就等同你呀媽一樣，無論你點說服佢，佢都係覺得ｌｅｓ有罪
其實只有一個方法可以揀，就係等時間過去．．．
平時你唔好同你呀媽講咁多同性呢樣野．．就算拍拖都低”掉”ｄ
當佢知道，你係對愛情係認真既時候，佢就會開始體諒你
話晒，你係佢既女，屋企人點都會支持親人架嘛
當時候耐左，佢就會睇化左，睇得開通左
人，係隨住時間改變，無人唔會改變的
希望幫到你

1. 而家呢個時代係戀愛自由,最緊要開心
2. lesbian唔算係遺反自然定律,因為lesbian只係2個女仔同女仔感情比朋友還要好,甚至於出現愛的現像,正常架,其實人不嬲就係感情動物.
3. 而家香港雖然好多人反對lesbian,但亦有好多人支持lesbian

如果你地真係真心相愛,始終有一日你媽媽會明白的!!!!


支持你!!!!加油呀~~