我想問做討論區版主要有咩資格

資格方面個個壇都唔同，如果係大壇既話都起碼要你註冊幾個月，
同埋要發百幾個帖子先至可以申請，但申請左唔一定得，
所以玩大壇既話就真係認真去玩，唔好只係諗住做板主～
如果係細壇／岩岩開果D就易好多，
通常要你註冊幾星期，發幾十個帖就申請到，
可以做到板主既機率都幾大下，
有D什至你一註冊完就俾你做，但我唔建議你玩呢D壇，
因為做板主黎無意思～

有無錢收方面，就算係大壇都無錢俾你的，
好似上面果位人兄講，最多只係俾分你，
但有D壇係連分都唔俾你......

手續方面，要達到該壇既申請要求（註冊XX天、發帖XX......），
跟住再去申請區交表，
通常會問你點解要做板主呀、對論壇未來發展既意見呀、會點做好自己既職位等等既野，
係最尾果項千奇唔好話：「見呃Post扣分，貼18禁野刪Post」等等既廢言，
因為呢D只係板主最基本既職責，講出黎無用～
盡量用書面語打，會俾人一個好印象，
唔好因為覺得字少就加一堆廢話落去，會扣印象分～

我都係一個壇做板主，如果係我既話我會答你：
對個壇有感情，因為我已經玩左個壇三年幾，
自自然然就想幫個壇出一分力～
亦有少少私心，想自己係個壇出名D同識多D人，
但呢個唔係主要原因～如果係既話就好自私～

希望我個解答幫到你～

1.每個論壇所要既資格都吾同..
有d就要積分到1定既分數...
有d就睇你入會幾耐...
因為每個壇所要既資格都吾1樣..
所以通常都系去招收版主果d帖度睇下要咩條件..

2.通常系加你積分

3.去招收版主果d帖..佢會出1張表格俾你填..
你要填你既ID...加入該壇日期...點解要做版主等項目...

4.可能想幫手打理果個壇:)