✔ 最佳答案
我睇過你其他post,見你都問過脫髮,又自己買書來研究中藥治脫髮。
你寫得呢堆証狀,我諗你都心裏有數。呢d係典型腎陰虛同腎陽虛引起既症狀。
但係可唔可以話就咁執幾劑「六味地黃丸」或者「金匱腎氣丸」就得呢?我諗八成都唔得。只係會有輕微改善。
如果你拿一本「方劑學」來睇,你會發現治呢d病既古方,閒閒地都有幾十條,咁應該點用呢?
我試下遙控幫幫你啦。
你有遺精早泄而無講尿頻。可以講係腎陰虛勁d,而腎陽虛少d,而另外有勞損。上述咁多種症,以遺精最應先治好,因為封藏失守,生命之精華不停泄出,補幾多都無用。
你先去抓幾劑「金鎖固精丸」食下,醫好左遺精,自然好多其他問題都會好。
你既脂溢性脫髮,請問你食野係點既呢?多唔多食「甘肥厚味」?多唔多油膩煎炸?有就認真要戒戒啦。
脂溢性脫髮又稱雄禿頭,諗野多既男人最難避免,但如果可以早睡早起,可以大大減低既。