自小我就成日聽到阿媽話佢嫁錯我老豆，因為我老豆只大佢幾年，思想好唔成熟，剛同佢結婚時佢地乜都冇，所以佢地曾經一齊挨過，好辛苦搞到冇得訓，就因為咁，佢自細就叫我要搵過大自己6-8年，有車有樓有學歷人工高兼養得起外家既老公。
我一直當佢發up風，後來我讀大學識左依家個男朋友，佢只大我一個月，屋企亦唔係太有錢，我同佢出街多數係AA制，包括爆房我地都係AA，仲有我男友只會在大時大節先送禮物俾我，上次聖誕佢忍受住被人歧視既風險，走去萬寧買包衛生巾俾我做聖誕禮物，我開心到飛起，攬住佢又錫又讚佢叻仔。
我地現在已經投身社會做事，我男朋友主動向我提出7年後結婚，叫我出一半結婚費用，我欣然答應。
但我d女仔朋友聽到，就話我咁cheap，原因如下： 1. 同條仔出街要AA制，簡直friend都不如──出街時仲要俾條仔搭膊頭摸屁股，佢俾晒錢應該 2. 爆房AA制，同貼錢俾條仔叫佢扑你差唔多(我反駁：做愛2個都有享愛wor!一人一半好應該!) 3. 一包衛生巾，最多咪$40，都唔知你咁開心做乜，俾人整蠱左都唔知。 4. 男人平時唔送禮物，即係冇錢或孤寒啦!咁就唔好識女朋友啦! 5. 結婚前已經係咁，結婚後想佢o係你身上花錢，難過登天 6. 擺酒緊係男人俾晒錢啦!佢冇錢，佢父母都有掛!自己出埋擺酒錢你都好cheap je!
另外，本人有一貪慕虛榮的女同學，曾多次叫做跟車仔的前男友買名牌手鏈、金飾俾佢，同呢條仔散左後，個女仔好窮，就賣晒d金飾過活，呢件事傳入左本人一位女性親戚耳中(已婚有子女，約40歲)，佢居然同本人講：「好心你學下人地啦!」
除女性外，本人身邊的男性都好似痴痴地，我唔知佢本身既性格係咪咁，但如果本人既男友係咁樣，我絕對無法接受： 1. 有次同個男同學講電話，從言語間佢得知我病左，就問我做乜唔叫我男朋友上黎我屋企睇我，當時係晚上10點幾，我男朋友剛剛o係半山收工，我住油尖旺，佢住九龍灣，第二日佢要5點起身返工…咁我仲點會特登叫佢黎睇我先!我咁同個男同學講，佢就話我蠢過隻豬，因為佢朋友d女友就算12點想見到個男友，都會照樣電召佢上屋企!
2. 又有一次，有另一個男同學見我有個好得意既電話袋，就問我係咪男友送，我答佢個袋係我自己去台灣時買既!佢隨之又問我平時出街係咪男友都唔會送野俾我、係咪佢出晒錢，我話我有手有腳點解要佢俾錢!點知個男同學聽完後就狂話我男友係cheap精! 3. 我男友個同事都怪怪的，有次我等我男友等左半個鐘，呢件事俾佢個男同事知道，佢問我點解咁都唔發我男友脾氣，仲可以對佢笑笑口，問我係咪有問題
4. 我一個男性友人，口頭禪係「冇錢就唔好學人拍拖」，聽到我平時唔使男人d錢，就好感嘆：「早知我o個時都追你啦!你幫我慳到唔少!」吹脹!! 5. 有好多男仔friend都問我知唔知我男友有幾多錢o係銀行、幾多錢買左股票，我話唔知，佢地又話我蠢，可能個男人收埋好多錢唔俾我知咁話wor!
最離譜的，係我居然會因為唔識娛樂圈d野、唔知道除左LV GUCCI BURBERRY仲有乜野名牌而俾其他女同學、女同事歧視，實在豈有此理!我認，我一打開份報紙就係睇財經版，平時同男友行街鍾意入銀行睇下金魚缸，咁又有D乜野問題？憑乜話我唔似女人呀？ 你地同我評下理啦!我有時覺得係我錯晒囉…生錯地方呀我!! (P.S.我MSN唔鍾意用閃字，換黎既係一句「你dull到冇人有，唔可愛!!」)←女仔friend…
To:janetmanlau 係一人俾一次... 其實我男友話過 如果我唔想出一半結婚費用都ok 佢7我3都得
